Пераслед па палітычных матывах

Вадзім, архітэктар, быў затрыманы і збіты падчас акцыі памяці Рамана Бандарэнкі на плошчы Перамен 15 лістапада 2020 года і шпіталізаваны з траўмамі. Ён не прызнаў віну, заявіўшы, што ўдзел у мерапрыемстве — ягоны грамадзянскі абавязак, і быў асуджаны за «ўдзел у групавых дзеяннях, якія груба парушаюць грамадскі парадак».

Пакінуў Беларусь да пачатку адбывання пакарання.

15 сакавіка 2024 года супраць Вадзіма была распачатая «спецыяльная вытворчасць», і ўлетку яго завочна абвінавацілі ў «змове з мэтай захопу ўлады», «садзейнічанні экстрэмісцкай дзейнасці» і «стварэнні экстрэмісцкага фармавання».

Актывіст руху "Еўрапейская Беларусь" і прынцыповы апанент дзейнага рэжыму, Максім неаднаразова падвяргаўся рэпрэсіям за сваю мірную апазіцыйную дзейнасць: штрафам, арыштам, нападам і запалохванням. 22 студзеня 2021 года яго затрымалі і асудзілі за "падрыхтоўку да масавых беспарадкаў".

11 верасня 2025 г. стала вядома, што 52 зняволеных беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін . Сярод вызваленых Максім Вінярскі.

Вікторыя, адміністратар канала "Кіроўцы 97%", была затрымана 4 лістапада 2020 года ў Мінску супрацоўнікамі ГУБАЗіку і асуджана за "заклікі да масавых беспарадкаў і блакіровак дарог у сувязі з незадаволенасцю ўладай і фальсіфікацыяй выбараў".

У 2022 і 2023 гадах суд двойчы павялічваў ёй тэрмін зняволення, абвінаваціўшы ў "злосным непадпарадкаванні патрабаванням адміністрацыі папраўчай установы". Вікторыя неаднаразова падвяргалася ціску ў калоніі і была прызнана "злоснай парушальніцай".

У кастрычніку 2024 года ў судзе Рэчыцкага раёна Вікторыю ў трэці раз асудзілі па артыкуле "злоснае непадпарадкаванне законным патрабаванням адміністрацыі калоніі" і прыгаварылі яшчэ да аднаго года пазбаўлення волі.

У пачатку 2025 года ад Паліны Шарэнда-Панасюк стала вядома, што Вікторыю і Алену Гнаук змясцілі ў ПКТ: "Пасля некалькіх тыдняў у ШІЗА яны былі пераведзены ў ПКТ. Гэта 99%, што супраць іх зноў будуць фабрыкаваць 411-ы артыкул".

Таксама Паліна дадала: "У Вікторыі Кульшы ўжо, мусіць, адмовілі ныркі. Яна трымала галадоўкі проста месяцамі, адмаўлялася ад вады і пітва. Яна выкрывала сабе вены. Яе кідалі з гэтым у ШІЗА — яна ў ШІЗА выкрывала сабе вены. У ПКТ трымала галадоўкі. Яна адмаўлялася ад дапамогі лекараў".

Вікторыя павінна была выйсці на волю ў красавіку 2025 года пасля заканчэння тэрміну. Але на пачатку месяца яе перавялі ў Гомельскі СІЗА-3 у межах чацвёртай крымінальнай справы па артыкуле "злоснае непадпарадкаванне законным патрабаванням адміністрацыі калоніі", і ў чэрвені таго ж года дадалі яшчэ адзін год пазбаўлення волі.

13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Кіта Келага — і вывезена ва Украіну.

У ноч з 10 на 11 жніўня 2020 года Аляксандру затрымалі ў Менску. Яна выйшла на вуліцу, каб аказаць дапамогу людзям, якія пацярпелі ад дзеянняў сілавікоў, але сутыкнулася з абстрэлам і масавымі затрыманнямі. Аляксандра правяла тры дні ў ізалятары на Акрэсціна, дзе падвергнулася катаванням, уключаючы збіццё і пагрозы сэксуальнага гвалту. Пасля гэтага яе адпусцілі, але ўжо 16 кастрычніка 2020 года зноў арыштавалі ў межах крымінальнай справы, абвінаваціўшы ва ўдзеле ў "групавых дзеяннях, якія груба парушаюць грамадскі парадак".

Анестэзіёлаг, які працаваў у Бальніцы хуткай дапамогі ў Мінску, быў затрыманы 19 лістапада 2020 года і асуджаны за меркаванае разгалошванне медыцынскай таямніцы, якая тычыцца стану Рамана Бандарэнкі, які быў жорстка збіты сілавікамі ў двары свайго дома і памёр у бальніцы ад ацёку мозгу.

Лідэр грамадскай арганізацыі "Альтэрнатыва" быў затрыманы 25 кастрычніка 2020 года і асуджаны за "ўдзел у групавых дзеяннях, якія груба парушаюць грамадскі парадак".

Актывіст "Маладога Фронту". Быў затрыманы 10 жніўня 2020 года і пазней абвінавачаны ва ўдзеле ў падзеях, якія адбываліся 9 жніўня ў Мінску. Пакінуў Беларусь.

Акіхіра, актывіст анархісцкага руху, быў затрыманы ў жніўні 2020 года ў Менску. Яму было прад'яўлена абвінавачанне ва ўдзеле ў "масавых беспарадках" і іншых "злачынствах".

У 2022 годзе ён быў прыгавораны да 16 гадоў пазбаўлення волі ў калоніі. У лютым 2023 года Вярхоўны суд скараціў тэрмін на тры месяцы.

У ліпені 2024 года стала вядома, што яму ўзмацнілі жорсткасць умовы пакарання, перавядучы на турэмны рэжым.

21 чэрвеня 2025 года Акіхіра быў вызвалены пасля візіту ў Менск спецыяльнага прадстаўніка прэзідэнта ЗША Дональда Трампа — Кіта Келага, і адразу ж вывезены ў Літву.

Мэнэджэрка ў мэблевай кампаніі і валанцёрка, была затрыманая 25 верасьня 2020 году і асуджаная за ўчысьце ў акцыях пратэсту.

Сяргей, актывіст партыі "Народная грамада", быў затрыманы 25 чэрвеня 2020 года міліцыяй з ужываннем сілы. Падставай для затрымання стаў раней вынесены адміністрацыйны арышт на 15 сутак за ўскладанне кветак на Ваенных могілках у Мінску 8 мая, а таксама падзеі, якія адбыліся 29 мая 2020 года ў Гродне. Яго абвінавацілі ў падрыхтоўцы да ўдзелу ў "масавых беспарадках" і перашкодзе працы Цэнтрвыбаркама.

11 верасня 2025 г. стала вядома, што 52 зняволеных беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Сяргей Спарыш

Павал - беларускі апазіцыйны палітык і сузаснавальнік партыі "Беларуская хрысціянская дэмакратыя". Яго затрымалі ў чэрвені 2020 года, пасля чаго ён атрымаў некалькі адміністратыўных арыштаў за ўдзел у перадвыбарных пікетах. Пазней Паўла асудзілі па крымінальнай справе аб арганізацыі масавых беспарадкаў.

У чэрвені 2023 года яго перавялі на турэмны рэжым.

Зміцер, блогер YouTube-канала «Шэры кот», быў затрыманы 10 чэрвеня 2020 года разам з актывістамі «Еўрапейскай Беларусі». Быў асуджаны на 20 сутак адміністратыўнага арышту, але пасьля гэтага застаўся пад арыштам і стаў фігурантам крымінальнай справы. Пасля быў асуджаны за "падрыхтоўку да ўдзелу ў масавых беспарадках".

У канцы лістапада 2024 года Зміцер павінен быў выйсці на волю, аднак яго зноў асудзілі за «злоснае непадпарадкаванне патрабаванням адміністрацыі калоніі». Па дадзеным артыкуле судзяць зняволеных, якія адмаўляюцца ад супрацоўніцтва з адміністрацыяй, за выдуманыя парушэнні.

11 верасня 2025 г. стала вядома, што 52 зняволеных беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Дзмітрый Казлоў.

Адвакат і член прэзідыума Каардынацыйнай рады па ўрэгуляванні палітычнага крызісу.

Максім быў затрыманы 9 верасня 2020 года і абвінавачаны ў змове і экстрэмісцкай дзейнасці, у тым ліку публічныя заклікі да захопу ўлады і дзеянняў, якія пагражаюць нацыянальнай бяспецы, з выкарыстаннем СМІ і інтэрнэту.

13.12.2025 года быў вызвалены пасля чарговага візіту ў Мінск спецыяльнага прадстаўніка прэзідэнта ЗША Дональда Трампа - Кіта Келлага, і вывезены ва Украіну.

Андрэй - актывіст руху "Еўрапейская Беларусь", затрыманы 25 верасня 2020 года. Ён быў адным з сузаснавальнікаў руху "Зубр" і неаднаразова падвяргаўся пераследу з боку дзяржавы. Яго асудзілі за "падрыхтоўку да масавых беспарадкаў".

11 верасня 2025 г. стала вядома, што 52 зняволеных беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. У ліку вызваленых Андрэй Войніч.

Марыя — член прэзідыума Каардынацыйнай рады і кіраўнік штаба Віктара Бабарыка — была выкрадзена 7 верасня 2020 года і вывезена да беларуска-ўкраінскай мяжы для выправаджэння. Яна парвала пашпарт і адмовілася пакідаць краіну. 9 верасня яе затрымалі і змясцілі пад варту.

У верасні 2021 года яе асудзілі па артыкулах: «змова з мэтай захопу ўлады неканстытуцыйным шляхам», «заклікі да дзеянняў супраць нацыянальнай бяспекі» і «стварэнне экстрэмісцкага фармавання».

У лістападзе 2022 года Марыя перанесла аперацыю з-за прабадной язвы і перытанітам. З сакавіка 2023 года знаходзілася ў ПКТ. З-за праблем са здароўем не працавала, яе суправаджалі нават на пастраенні.

Марыя доўгі час утрымлівалася ў рэжыме інкамунікада. Улетку 2024 года стала вядома, што адміністрацыя ізалявала яе ад іншых зняволеных, з ёй увесь час знаходзіліся ахоўніцы. 12 лістапада 2024 года яна ўпершыню за 18 месяцаў сустрэлася з бацькам.

Сустрэча прайшла ў турэмным шпіталі, і дакладна невядома, ці знаходзілася яна на лячэнні ці яе прывялі туды з ПКТ. Да гэтага ад Марыі не было ніякай сувязі, а пра яе стан рабілася вядома толькі са слоў іншых зняволеных.

Пасля гэтай сустрэчы яна зноў была пазбаўлена сувязі з навакольным светам і працягвае ўтрымлівацца ў рэжыме інкамунікада.

У лютым 2025 года яе сястра паведаміла, што Марыю вярнулі ў атрад і выказала спадзяванне на аднаўленне сувязі.

13.12.2025 года была вызвалена пасля чарговага візіту ў Мінск спецыяльнага прадстаўніка прэзідэнта ЗША Дональда Трампа - Кіта Келлага, і вывезена ва Украіну.