Аляксандр Іванавіч Кірыловіч

Колькасць рэпрэсаваных:

5

Адміністрацыйных спраў:

5

Дзень нараджэння:

23 снежня 1964

Аляксандр Іванавіч Кірылавіч датычны да вынясення палітычна матываваных судовых рашэнняў, па якіх прызначана не менш за 594 рублі штрафаў і не менш за 20 гадоў абмежавання або пазбаўлення волі. Кірылавіч мае дачыненне да смерці палітвязня Алеся Пушкіна. 11 лістапада 2022 года суддзя пастанавіў перавесці Алеся Пушкіна на турэмны рэжым тэрмінам на паўтара гады па арт. 411 КК РБ. 11 ліпеня 2023 года, Алесь Пушкін памёр у рэанімацыі горада Гродна, так і не дачакаўшыся канца тэрміна заключэння. Аляксандр Кірылавіч асудзіў Вольгу К. за каментар у інтэрнэце. Ёй ставілася ў віну абразу прадстаўніка ўлады, супрацоўніка Івацэвіцкага РАУС. Суд праходзіў у закрытым рэжыме, на першым паседжанні Кірылавіч папрасіў прадстаўнікоў прэсы пакінуць залу. Хадайніцтва аб закрытым судзе заяўляў міліцыянер. Жанчыну прыгаварылі да двух гадоў абмежавання волі без накіравання ў папраўчую ўстанову адкрытага тыпу. Акрамя таго, яна павінна выплаціць дзве тысячы рублёў кампенсацыі міліцыянеру. Пераклаў на турэмны рэжым жыхара менскага двара «Перамен» Сцяпана Латыпава. Такім чынам, Кірылавіч Аляксандр Іванавіч нясе адказнасць за парушэнні правоў чалавека і падрыў прынцыпаў вяршэнства закона, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі, следствам якіх з'яўляецца ў тым ліку і смерць людзей, якія пераследуюцца рэжымам. Яго праца на пасадзе судовай сістэмы сфакусаваная на падтрыманні пазіцый існуючай улады, а не на выкананні закона. Дзеянні Кірылавіча садзейнічаюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна матываваных рэпрэсій у Рэспубліцы Беларусь.