Вячаслаў Тадэвушавіч Чарнецкі

Праўладныя тэлеграм-каналы паведамлялі, што Вячаслава затрымалі ў канцы ліпеня 2023 года ў Гродне, калі ён вяртаўся ў Беларусь з-за мяжы, і што ён нібыта пакінуў каля тысячы каментароў у "экстрэмісцкіх" чатах і каналах. Вячаслаў — жыхар Мінска, жанаты, захапляўся пейнтболам. Па іх жа дадзеных, сілавікі змаглі яго ідэнтыфікаваць, таму што ён падпісаў тэлеграм-акаўнт сваім сапраўдным імем. У матэрыялах абвінавачання пазначана, што ён публікаваў каментары ў канале "Рэальная Беларусь", а экспертыза заявіла, што ў тэксце змяшчаюцца негатыўныя і ненарматыўныя выказванні ў адрас Лукашэнкі і Пуціна.