14 сакавіка 2022 года Уладзімір паехаў у Жодзіна сустракаць жонку Санту Франчук пасля яе адміністрацыйнага арышту. Там яго запрасілі на размову і затрымалі з-за фотаздымкаў з пратэсных акцый, якія знайшлі ў тэлефоне жонкі. Уладзіміра ўтрымлівалі на Акрэсціна, а потым перавялі ў СІЗА-1.
У ліпені 2022 года Уладзіміра разам з жонкай прызналі вінаватым па крымінальнай справе, распачатай па артыкуле «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх», за ўдзел у паслявыбарчых акцыях пратэсту, якія праходзілі ў Мінску ў 2020 годзе, прыгаварыўшы да абмежавання волі без накіравання ў папраўчую ўстанову адкрытага тыпу.
