У лістападзе 2020 года Уладзіміра Чурылу ў ліку васьмярых работнікаў МНПЗ выклікалі позвай у Мазырскі РАУС і адтуль не выпусцілі , завёўшы на іх адміністрацыйныя справы за рэалізацыю права на свабоду мірных сходаў. Мужчыны 27 кастрычніка 2020 года сталі каля прахадной завода з плакатамі, якія падтрымлівалі мірныя пратэсты супраць фальсіфікацыі вынікаў прэзідэнцкіх выбараў і гвалту да мірнага насельніцтва з боку супрацоўнікаў карных структур правячага рэжыму. За гэта рабочых пачалі пераследваць .
Уладзімір Чурыла ў якасці вядучага інжынера-тэхнолага паліўна-каталітычнай вытворчасці, які перапрацоўвае сярністую нафту, шматразова згадваўся ў Завадской і галіновай газетах, як Лепшы работнік, вынаходнік і рацыяналізатар. Ён атрымліваў узнагароды ад кіраўніцтва нафтаперапрацоўчага завода.
