Упершыню Уладзіміра затрымалі 11 жніўня 2020 года: на яго склалі пратакол аб парушэнні парадку правядзення масавых мерапрыемстваў і змясцілі ў ІЧУ.
У студзені 2022 года яго затрымалі зноў і ўжо праз два тыдні прызналі вінаватым па крымінальнай справе, узбуджанай па артыкуле «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за ўдзел у акцыі пратэсту пасля прэзідэнцкіх выбараў, якая прайшла ў Жлобіне 9 жніўня 2020 года.
Па падліках праваабаронцаў, ён быў вызвалены ў ліпені 2023 года, цалкам адбыўшы прызначаны судом тэрмін пакарання.
