Праўладныя каналы сцвярджаюць , што Віталь раней напісаў 15000 каментароў, але даўно іх выдаліў. Паказалі яны і тое, як сілавікі іх "выцягваюць" - на скрыншоце паказана частка старых паведамленняў затрыманага мужчыны з чата "[Не]мірны БДУІР", пратэстнага чата актыву універсітэта. Разам з яго старым нікнэймам - «Звольнены выкладчык».
З 2009 па 2014 год Віталь вучыўся ў БДУІР на факультэце камп'ютарнага праектавання, а пасля паступіў у магістратуру на спецыяльнасць «Псіхалогія працы, інжынерная псіхалогія, эрганоміка». Пасля застаўся працаваць асістэнтам на кафедры інжынернай псіхалогіі і эрганомікі.
