Віктар быў прызнаны вінаватым у верасні 2021 года па крымінальнай справе аб абразе прадстаўніка ўлады. Нагодай для ўзбуджэння справы стаў каментар, пакінуты ім у сацыяльнай сетцы «Аднакласнікі» пад публікацыяй з фатаграфіяй намесніка начальніка Маладзечанскага РАУС па ідэалагічнай працы, падпалкоўніка Сяргея Гелды: «Да адказу с*ку!». Гелда быў прызнаны пацярпелым і запатрабаваў выплаціць яму буйную кампенсацыю маральнай шкоды.
У чэрвені 2023 года Віктар быў вызвалены, цалкам адбыўшы прызначаны судом тэрмін пакарання.
