Юры Віктаравіч Царэвіч

Юры служыў міліцыянерам у Лідскім аддзеле аховы, пасля выхаду на пенсію працаваў ахоўнікам. Калі стала вядома аб распачатым следстве, ён быў вымушаны звольніцца. Арыштавалі Юрыя проста на працоўным месцы ў краме "Еўраопт".
Па версіі абвінавачання, на старонцы ў "Аднакласніках" ён размясціў рэпост з крытыкай перадвыбарчай кампаніі і вынікаў выбараў, які палічылі паклёпам на Лукашэнку і прыпісваннем цяжкіх злачынстваў. Той самы матэрыял ён апублікаваў у Telegram-каналах “Крыніца-Chat” і “Іхтыяндры Гродна”. Суд прызначыў яму пакаранне ў выглядзе абмежавання волі з накіраваннем. Да прысуду Юры знаходзіўся пад вартай.