Павел быў прызнаны вінаватым у тым, што 8 лістапада 2020 года ён пакінуў каментар у тэлеграм-чатах "карнікі" і "партызаны" ў бок супрацоўніка Мінабароны Беларусі падпалкоўніка Бартынскага. Каментар утрымліваў ненарматыўную форму выказвання. Таксама 25 лістапада 2020 года ў тэлеграм-чаце "карнікі" ён пакінуў абразлівы каментар у бок камандзіра першага ўзвода аператыўнай роты АМАП АУС Гродзенскага аблвыканкама Аляксандра Мацкевіча.
Павел Макаранка прызнаў сваю віну. Ён распавёў, што дакладна не памятае тых падзеяў, так як прайшло ўжо шмат часу. Аднак ён сказаў, што нібыта пакінуў каментары "з-за эмоцый".
