Мікіта быў прызнаны вінаватым па крымінальнай справе, узбуджанай па артыкуле «здзек з дзяржаўных сімвалаў». Па версіі абвінавачання, дэманструючы абразлівае і грэблівае стаўленне да Дзяржаўнага сцяга Беларусі, ён падняўся на дах будынка і выламаў сцяг са флагштока, пашкодзіўшы дрэўка. Потым разам з Яраславам Гебенем фатаграфаваўся са сцягам і здымаў відэаролік з яго выкарыстаннем. Па сцвярджэнні абвінавачання, пры гэтым палотнішча неаднаразова кідалі на зямлю і ў хмызнякі.
Па падліках праваабаронцаў ён быў вызвалены вясной 2024 года, цалкам адбыўшы прызначаны судом тэрмін пакарання.
