Максім вучыўся ў каледжы і займаўся страйкболам. ГУБАЗіК праслухоўваў тэлефоны яго і яго сябра Аляксея Куфко.
11 жніўня 2020 года, падчас пратэстаў пасля прэзідэнцкіх выбараў, Максіма і Аляксея затрымалі ў цэнтры Брэста і пры затрыманні моцна збілі. Паводле версіі абвінавачання, яны нібыта рыхтаваліся да ўдзелу ў пратэстах і купілі для гэтага нож для падводнага палявання, дымавую шашку, піратэхніку, рагатку і сродкі абароны.
У лютым 2022 года Максіма прызналі вінаватым па крымінальнай справе, заведзенай паводле артыкула «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за падрыхтоўку да ўдзелу ў гэтых паслявыбарчых пратэстах.
