Антырасістка.
Па дадзеных праўладных каналаў, затрыманая па крымінальным артыкуле.
На сваёй старонцы ў Instagram, якая налічвала амаль 15 тысяч падпісчыкаў, Крысціна публікавала фатаграфіі, прысвечаныя субкультурнай модзе, не хавала сваіх палітычных поглядаў. А пасля нападу Пуціна на Украіну яна выкарыстоўвала свой рахунак для выказвання антываенных лозунгаў.
У першы дзень суда 10 лістапада Крысціна адмовілася даваць паказанні, таму на працэсе зачыталі яе паказанні на допытах . Крысціна патлумачыла, што ў жніўні 2020 года міліцыя затрымала бацькоў яе мужа, іх білі. Таму яна стала негатыўна ставіцца да міліцыі.
Прадстаўнік абвінавачання на судовым паседжанні патрабаваў тры гады пазбаўлення волі.
Вызвалена 10.04. 2024 года поўнасцю адбыўшы тэрмін пакарання, прызначаны судом.
