Кірыл быў затрыманы ў верасні 2021 года ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.
Зімой 2023 года пачаўся разбор па справе. Першапачаткова было вядома, што Кірыл абвінавачваўся па артыкулах «заклікі да мераў абмежавальнага характару (санкцыяў), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь», «садзейнічанне экстрэмісцкай дзейнасці» і «абраза Лукашэнкі». Аднак пазней стала вядома, што суд разглядаў толькі абвінавачанне па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
У лютым 2023 года яго прызналі вінаватым і прыгаварылі да пазбаўлення волі ў калоніі.
Вызвалены ў чэрвені 2023 года, цалкам адбыўшы прызначаны судом тэрмін пакарання.
