Манах ордэна кармелітаў, належыць да абшчыны кляштара кармелітаў Базілікі Наведвання Найсвяцейшай Панны Марыі ў Кракаве.
Гжэгаж Гавел - ураджэнец польскага Жэшува. У 2018 годзе ён вырашыў прысвяціць сваё жыццё малітве ў Ордэне Братоў Найсвяцейшай Панны Марыі з гары Кармэль. Першыя часовыя зарокі прыняў 18 жніўня 2020 года і абнаўляў іх штогод. 19 сакавіка 2025 года прыняў вечныя абяцанні. Гэта акт прывязкі манаха да ордэна і абранай формы жыцця да смерці. У 2020 годзе пачаў навучанне тэалогіі ў Кракаўскім Папскім універсітэце Яна Паўла ІІ, і ў пачатку ліпеня 2025 года абараніў магістарскую працу па тэме «Духоўнасць блаславёнай сям'і Ульмаў», прысвечанай каталіцкай сям'і, знішчанай нацыстамі падчас акупацыі Польшчы падчас Другой сусветнай.
На праўладным відэа ў Гжэгажа аказаліся раздрукоўкі на 8 старонках фармату А4. Сцвярджалася, што гэта ксеракопія дакумента з грыфам сакрэтнасці пад назвай «Распараджэнне аб арганізацыі падрыхтоўкі і ўдзелу ў ССУ «Захад-2025». Прапагандысты заявілі, што затрыманы падазраецца ў шпіянажы.
28.04.2026 года Гжэгаж выйшаў на волю ў выніку працяглых перамоваў і абмену на беларускіх шпіёнаў у Польшчы. Ён адразу ж быў вывезены ў Польшчу.
