Яўгена затрымалі 3 сакавіка 2022 года і тройчы запар арыштавалі па адміністрацыйных пратаколах. Пакуль ён адбываў «содні», яго амаль кожны дзень дапытвалі ў КДБ, а потым, так і не выпусціўшы, перавялі ў СІЗА па крымінальнай справе.
Паводле версіі абвінавачання, Яўген распаўсюджваў паклёп і недакладныя звесткі пра начальніка ДАІ, кіраўнікоў гомельскага АМАПу і супрацоўніцу Гомельскага тэхнічнага ўніверсітэта. Насамрэч ён пераслаў у асабістай перапісцы два артыкулы, напісаныя іншым чалавекам, і дадаў ад сябе «Можам паўтарыць». Гэтыя словы суд палічыў заклікам да масавых акцый.
У жніўні 2022 года Яўгена прызналі вінаватым па крымінальнай справе, узбуджанай па некалькіх артыкулах, у тым ліку «Паклёп» і «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».
Вызвалены ў студзені 2024 года, цалкам адбыўшы прызначаны судом тэрмін пакарання.
