Ярванда абвінавацілі ў тым, што, знаходзячыся ў стане алкагольнага ап'янення ў службовым аўтамабілі і ў прысутнасці супрацоўнікаў Дэпартамента аховы, ён "неаднаразова прамаўляў выказванні абразлівага характару" на адрас Лукашэнкі. Паводле інфармацыі Віцебскай абласной пракуратуры, Ярванд поўнасцю прызнаў сваю віну падчас судовага следства. У жніўні 2024 года суд прыгаварыў яго да пазбаўлення волі.
У лютым 2025 года ў дачыненні да палітвязня адбылося судовае паседжанне па артыкуле "злоснае непадпарадкаванне патрабаванням адміністрацыі папраўчай установы" — абвінавачванне, якое часта ўжываецца да зняволеных, якія адмовіліся супрацоўнічаць з турэмнай адміністрацыяй.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
