Дзмітрый прафесійны ваенны, службу пачаў у часці Унутраных войскаў 5448, потым перавёўся ў Мар'іну Горку. У канцы кар'еры Зора займаў адміністрацыйную пасаду ў 50-й змешанай авіябазе ў Мачулішчах, дзе даслужваў да ваеннай пенсіі. У верасьні 2022-га Лукашэнка сваім указам пазбавіў Зьмітра Зору званьня. Зміцер Зора ў 2022-м эміграваў у Польшчу. У Беларусі засталася жонка, з якой ён быў разам з вучылішчам, а таксама трое дзяцей-старэйшаму зараз 17 гадоў. Як лічыцца , у 2022 Зора далучыўся да каманды Валерыя Сахашчыка - былога камандзіра дэсантнай часткі ў Брэсце, які на кароткі час заняўся палітыкай у альянсе з Вадзімам Пракоп'евым.
Па словах знаёмых Зоры, менавіта ў працы на Сахашчыка яго абвінавачваюць лукашэнкаўскія сілавікі. Лічыцца, што падпалкоўнік займаўся зборам інфармацыі і аналітычнай працай у камандзе. Там ён захапіўся сектай G-13, пісаў бязладныя тэксты аб «энергіі вышэйшага парадку» – а ў пачатку 2026 года раптам знік. Як вядома, неўзабаве ён апынуўся ў СІЗА КДБ, дзе сутыкнуўся з катаваньнямі.
