18 жніўня 2020 года ва «УКантакце» з'явіўся пост пра тое, што старшы інспектар Ленінскага РАУС Брэста Андрэй Хвесюк 9–11 жніўня збіваў затрыманых у спартзале за тое, што яны «няправільна» стаялі перад ім на каленях. Дзмітрый пакінуў пад постам каментар, у якім назваў міліцыянера «падонкам» і напісаў, што яго варта было б аддаць тым, каго ён збіваў.
У сакавіку 2022 года Дзмітрыя прызналі вінаватым па крымінальнай справе, узбуджанай па артыкуле «Абраза прадстаўніка ўлады», за гэты каментар, прыгаварыўшы да абмежавання волі без накіравання ў папраўчую ўстанову адкрытага тыпу.
