Андрэй — беларускі ютубер, вядомы правакацыйнымі відэа з чыноўнікамі. На выбарах 2020 года ягоная жонка Вольга была незалежным назіральнікам, Андрэй зняў яе прэтэнзію да камісіі, за што яго арыштавалі на 15 сутак. Праз пераслед ён з'ехаў у Літву, дзе працягнуў тэлефанаваць чыноўнікам і стварыў сатырычны дуэт «Чырвоная зеляніна» з Маргарытай Ляўчук — яны выпускалі на YouTube кліпы, якія высмейваюць беларускую ўладу.
У сакавіку 2024 года ў рамках спецвытворчасці супраць яго распачалі крымінальную справу, уключаючы артыкулы аб "распальванні варожасці" і "стварэнні экстрэмісцкага фарміравання". У чэрвені Андрэя завочна асудзілі, прызнаўшы вінаватым у кіраўніцтве "Рудабельскай паказухай" і іншых "злачынствах", і прысудзілі да пазбаўлення волі і буйнога штрафу.
