Паводле пазіцыі абвінавачання, Сцепанюк быў затрыманы ў 01:50 ночы па артыкуле 24.4 КаАП, яго павезлі на міліцэйскім аўтамабілі ў РАУС, і па дарозе ў аддзяленне міліцыі Сцепанюк абразліва выказваўся пра міліцыю і Аляксандра Лукашэнку з выкарыстаннем ненарматыўнай лексікі, усё фіксавалася на відэарэгістр. Андрэй Сцепанюк на судзе заявіў аб поўным прызнанні віны. Падчас следства ён апазнаў сябе на запісах з відэарэгістратара. У якасці абцяжваючых абставінаў просяць улічваць нядаўнюю судзімасць па арт.149 КК, у якасці змякчальнай акалічнасці - наяўнасці на ўтрыманні маленькага дзіцяці.
03.02.2023 адбыўся разгляд апеляцыйнай скаргі, прысуд уступіў у сілу.
Па падліках праваабаронцаў вызвалены зімой 2024 года поўнасцю адбыўшы тэрмін пакарання, прызначаны судом.
