Андрэй быў затрыманы ў верасні 2021 года ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.
У лютым 2023 года яго прызналі вінаватым у напісанні каментароў пра сілавікоў, праўладных актывістаў і Лукашэнку па артыкулах «распальванне варожасці», «абраза прадстаўніка ўлады», «абраза Лукашэнкі», а таксама паводле артыкула «арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх» за ўдзел у паслявыбарчай акцыі пратэсту, якая праходзіла 16 жніўня 2020 года ў Мінску.
Па падліках праваабаронцаў, ён быў вызвалены летам 2023 года, цалкам адбыўшы прызначаны судом тэрмін пакарання.
