Аляксей быў затрыманы ў сакавіку 2023 года ў межах крымінальнай справы, узбуджанай па артыкуле «Актыўны ўдзел у групавых дзеяннях, якія груба парушаюць грамадскі парадак», і да суда змешчаны ў СІЗА. У кастрычніку таго ж года яго асудзілі па трох крымінальных артыкулах, у тым ліку «фінансаванне дзейнасці экстрэмісцкага фармавання», і прысудзілі да пазбаўлення волі.
13 снежня 2025 года ён быў вызвалены пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезены ва Украіну.
