У кастрычніку 2020 года ў тэлеграм-канале «Карнікі Беларусі» выйшаў пост пра старшага інспектара прафілактыкі Нясвіжскага РАУС Таццяну Кульбіцкую, якая затрымала жыхарку Нясвіжа за бел-чырвона-белае адзенне на яе сабаку. Аляксандр пакінуў пад гэтым постам каментар, які палічылі абразлівым. Яго змест на судзе так і не агучылі.
У сакавіку 2022 года Аляксандра прызналі вінаватым па крымінальнай справе, узбуджанай па артыкуле «Абраза прадстаўніка ўлады», прыгаварыўшы да абмежавання волі без накіравання ў папраўчую ўстанову адкрытага тыпу.
