Станіслаў Уладзіміравіч Іванюценка

Станіслаў Уладзіміравіч Іванюценка

Злачынствы супраць правоў і свабод грамадзян Беларусі. Іванюценка Станіслаў Уладзіміравіч з'яўляецца супрацоўнікам органаў судовай улады, якія маюць дачыненне да палітычна матываваных рэпрэсій, у рамках якіх былі затрыманыя і падвергнутыя гвалту тысячы мірных дэманстрантаў, некалькі сотняў журналістаў, праваабаронцаў і актывістаў. Выносіў абвінаваўчыя прысуды па палітычна матываваных справах, дзе выдаў пакаранне ў выглядзе штрафаў на агульную суму не менш за 1755 рублёў і адміністрацыйнага арышту не менш за 6 сутак. Вынес прысуд палітвязні Вікторыі Кульшы па частцы 1 артыкула 411 Крымінальнага кодэкса (Злоснае непадпарадкаванне законным патрабаванням адміністрацыі калоніі) і прызначыў жанчыне яшчэ год зняволення ў дадатак да трох з паловай гадоў калоніі. Сярод "парушэнняў" у яе былі: "знішчэнне ліста, напісанага для дачкі", "выйшла ў туалет, не папярэдзіўшы", "была няветлая з супрацоўнікамі папраўчай установы", "знаходзілася з расшпіленым гузікам на паліто", "пры адкрыцці дзвярэй камеры не ўстала, не прывіталася, не назвалася. У дачыненні да Вікторыі ўвогуле было выпісана 34 спагнанні. Вынес прысуд жыхарцы горада Рэчыца Ганне Васільевай, якую абвінавацілі ў арганізацыі і падрыхтоўцы дзеянняў, якія груба парушаюць грамадскі парадак па частцы 1 артыкула 342 Крымінальнага кодэкса, т.я. жанчына «прыняла актыўны ўдзел у групавых дзеяннях, груба парушаючы грамадскі парадак, выйшаўшы на дарогу ў Рэчыцы, далучылася да іншых асоб і актыўна перашкаджала руху службовага аўтамабіля АУС Рэчыцкага райвыканкама, выкарыстоўваючы дзіцячы вазок, вымушаючы яго спыніць рух і ў далейшым змяніць рух АУС аб спыненні грубага парушэння грамадскага парадку». Іванюценка прызначыў жанчыне пакаранне ў выглядзе абмежавання волі на тэрмін два гады без накіравання ў папраўчую ўстанову адкрытага тыпу. Такім чынам, Іванюценка Станіслаў Уладзіміравіч нясе адказнасць за парушэнні правоў чалавека і падрыў прынцыпаў вяршэнства закону, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Ягоная праца ў рамках судовай сістэмы сфакусаваная на падтрыманні пазіцый існуючай улады, а не на выкананні закона. Дзеянні Іванюценкі спрыяюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна матываваных рэпрэсій у Рэспубліцы Беларусь.