Аляксандр Аляксандравіч Семенчук

Паводле паведамлення суда, сутнасць абвінавачання супраць усіх заключалася ў тым, што людзі 10 жніўня 2020 года ў Брэсце «выкрыквалі лозунгі, свісталі, пляскалі ў далоні, дэманстравалі палотны бел-чырвона-белага колеру, выходзілі на праезную частку» . Гэтым яны нібыта груба парушалі грамадскі парадак.

2 лютага 2024 года блізкі да брэсцкага ГУБАЗіК тэлеграм-канал апублікаваў пакаяннае відэа з Лозкам Цімурам.

На відэа сілавікі паказалі, як са шчытамі і зброяй, у поўным абмундзіраванні, урываюцца ў дом мужчыны. Далей ідуць кадры, дзе з заведзенымі за спіну рукамі Цімур Аляксандравіч расказвае, што ў яго знайшлі падпіскі на «Нехту», акрамя таго ён данатыў гэтаму тэлеграм-каналу. Таксама мужчына кажа, што працуе ў «Лодэ» анестызіёлагам-рэаніматолагам.

У інтэрнэце можна знайсці, што Лозка яшчэ ў кастрычніку 2020 года затрымліваўся (і ў салідарнасць з ім іншыя медыкі ў Брэсце выйшлі на пратэст з надпісамі "Я/мы Цімур"). А падчас рэферэндуму ў лютым 2022 года зноў быў затрыманы, і па артыкуле 24.23 КаАП «Незаконнае пікетаванне» спачатку адседзеў у ІЧУ, а потым атрымаў штраф 50 б.в.

Станіслаў, грамадзянін Украіны, быў затрыманы ў траўні 2021 года ў рамках крымінальнай справы, узбуджанай пасля стыхійных пратэстаў, якія прайшлі 10 жніўня 2020 года ў Брэсце супраць фальсіфікацый на выбарах. Яго асудзілі за ўдзел у "масавых беспарадках".

Зміцер праходзіў сведкам па справе брэсцкіх палітвязняў, блогераў Сяргея Петрухіна і Аляксандра Кабанава, якіх у красавіку гэтага года прысудзілі да трох гадоў калоніі агульнага рэжыму. Як распавёў актывіст брэсцкім праваабаронцам, крымінальную справу на яго распачалі за адмову адказваць на пытанні суддзі, які разглядаў справу Петрухіна і Кабанава, бо ён не паказаў службовае пасведчанне суддзі.

Вызвалены 26.02.2022.

11, 16 і 17 снежня 2024 г. адбыліся новыя разборы справы Дзмітрыя ў судзе Ленінскага раёна Брэста па ч. 1 артыкула 342 КК РБ. Зміцер быў асуджаны на 2 гады пазбаўлення волі.

Руслан упершыню быў затрыманы 10 жніўня 2020 года падчас акцыі пратэсту ў Брэсце супраць фальсіфікацый на прэзідэнцкіх выбарах. Пасля жорсткага збіцця ён патрапіў у лякарню, а затым быў асуджаны на 7 сутак адміністрацыйнага арышту. Пазней у дачыненні да яго распачалі крымінальную справу, але падчас следства ён пакінуў краіну.

Вярнуўшыся ў Беларусь, Руслан паспрабаваў перасекчы мяжу з Еўразвязам, аднак быў затрыманы. У лістападзе 2021 года яго асудзілі за ўдзел у "масавых беспарадках".

У ліпені 2024 года ён быў зноў асуджаны — на гэты раз за "злоснае непадпарадкаванне патрабаванням адміністрацыі папраўчай установы". Па гэтым артыкуле судзяць зняволеных, якія адмаўляюцца ад супрацоўніцтва з адміністрацыяй, на падставе выдуманых парушэнняў.

Алена з 2020 года падвяргалася сістэматычнаму пераследу па палітычных матывах: яе затрымлівалі і арыштоўвалі па адміністрацыйных артыкулах 17 разоў, а таксама аштрафавалі ўвогуле на 173 базавыя велічыні. У яе доме неаднаразова праводзіліся ператрусы.

У траўні 2021 года Алену асудзілі за «ўдзел у групавых дзеяннях, якія груба парушаюць грамадскі парадак» — у межах крымінальнай справы, распачатай пасля акцыі пратэсту 13 верасня 2020 года ў Брэсце, дзе ўдзельнікі спявалі песні і вадзілі карагоды. свабоды без накіравання ва ўстанову.

У верасні таго ж года Алену паўторна асудзілі — за «абразу Лукашэнкі». Па сукупнасці прысудаў тэрмін склаў тры гады «хатняй хіміі».

У студзені 2022 году яе затрымалі за «парушэньне адбываньня пакараньня» і прызначылі 15 сутак адміністрацыйнага арышту.

У красавіку 2023 года Алену зноў асудзілі па артыкуле «злоснае непадпарадкаванне патрабаванням адміністрацыі калоніі» Гэты артыкул часта ўжываюць да зняволеных, якія адмаўляюцца ад супрацоўніцтва з адміністрацыяй, за выдуманыя парушэнні.

Вядома, што да Алены ўвесь час ужываецца фізічны і псіхалагічны ціск. Яе рэгулярна змяшчаюць у ШІЗА і ПКТ, пазбаўляюць амаль усіх перадач, званкоў, спатканняў, а таксама скарацілі атаварку з трох базавых велічынь да адной.

У лютым 2025 года ад Паліны Шарэнда-Панасюк стала вядома, што Алену зноў змясцілі ў ПКТ: «Пасля некалькіх тыдняў у ШІЗА яна была пераведзена ў ПКТ. Гэта 99%, што супраць яе зноў будуць фабрыкаваць 411-ы артыкул».

Упершыню Юры быў асуджаны за тое, што, паводле абвінавачання, у верасні 2020 года, праходзячы з сябрамі каля гатэля «Маладзёжная», падчас размовы тузануў дзяржаўны сцяг, які ў выніку ўпаў.

У лістападзе 2021 года яму замянілі рэжым адбывання пакарання і адправілі ў калонію.

У студзені 2022 года ён быў вызвалены, поўнасцю адбыўшы прызначаны судом тэрмін пакарання.

15 лютага 2022 года Юры быў зноў затрыманы ў межах крымінальнай справы, узбуджанай па артыкуле «садзейнічанне экстрэмісцкай дзейнасці». Ён атрымаў адміністратыўны арышт, падчас якога да яго прыходзілі супрацоўнікі КДБ. У выніку збіцця ў яго былі падазрэнні на зламаныя рэбры. Крымінальная справа не была спынена.

У траўні 2022 года яго зноў затрымалі ў Расіі з-за аб'яўлення ў вышук, а ў кастрычніку таго ж года экстрадзіравалі ў Беларусь, хаця фармальна справа аб выдачы была спынена 26 верасня 2022 года.

У студзені 2023 года Юры быў паўторна асуджаны за тое, што дапамагаў іншым палітвязням атрымліваць дапамогу ад фондаў. На судзе ён віну не прызнаў і адмовіўся даваць паказанні.

У таўніі 2024 года яму ўзмацнілі жорсткасць пакарання і перавялі на турэмны рэжым да канца тэрміну.