Усе рэпрэсаваныя

Пасля заканчэння школы паступіў на факультэт прыкладной матэматыкі і інфарматыкі БДУ. З 2005 года працуе ў ІТ.

У канцы 2021 года Сложанцы пераехаў у Варшаву. Тамака ён адкрыў ІП і ўладкаваўся ў кампанію RunMyLease, дзе займае пасаду Tech lead.

Галоўнае хобі Сяргея - бальныя танцы. У 2024 годзе ён з партнёркай узялі два золаты і адно срэбра на танцавальных конкурсах у Польшчы ў катэгорыі 40+.

Пасля Сяргей вярнуўся ў Беларусь. Невядома, калі менавіта гэта адбылося, але апошні раз ён выходзіў на сувязь у канцы кастрычніка 2024 года. Працэс над айцішнікам праходзіў у Гродзенскім абласным судзе. Мяркуючы па тым, што пасля суда Складанцы так і не з'явіўся анлайн, яму быў прызначаны тэрмін у калоніі.

У 2021-м Дземянчонак скончыў факультэт інфармацыйных тэхналогій Полацкага дзяржаўнага ўніверсітэта, пасля чаго працаваў інжынерам-электроншчыкам у Наваполацкай цэнтральнай раённай бальніцы, адкуль звольніўся восенню 2022 года.

За наступныя гады ў сацсетках былі паметкі, што хлопец жыў у Гродне і ў Варшаве. Апошні раз Дземянчонак быў анлайн у канцы 2023 года. Пасля гэтага, хутчэй за ўсё, і быў арыштаваны.

Дземянчанку абвінавацілі "ў прычыненні шкоды нацыянальнай бяспецы Беларусі". Яго маглі прысудзіць ад 4 да 12 гадоў зняволення, аднак прысуд у любым выпадку звязаны з калоніяй. Сутнасць абвінавачання і дакладны тэрмін невядомыя.

Вядома , што ў Польшчы Арэшка працаваў спецыялістам па кадрах - шукаў людзей для працаўладкавання. Перыядычна прыязджаў у Беларусь. Невядома, калі ён вяртаўся апошні раз, але яго затрымалі некалькі месяцаў таму.

Цяпер Арэшка знаходзіцца ў следчым ізалятары.

Ён быў студэнтам юрыдычнага факультэта Брэсцкага ўніверсітэта, але потым з'ехаў у Польшчу.

Падрабязнасці справы невядомыя. Па інкрымінаваным артыкуле гродзенцу пагражае пазбаўленне волі на тэрмін ад сямі да пятнаццаці гадоў.

У студзені 2025 года беларускі прапагандыст Рыгор Азаронак даў інтэрв'ю расійскай журналістцы Ксеніі Сабчак. Падчас размовы Сабчак узяла са стала Азаронка ліст з пастановай аб прызнанні яго пацярпелым па крымінальнай справе.

Сабчак зачытала на камеру дэталі пастановы. У лісце гаворыцца, што нейкі Сацішур сабраў і даў замежнай дзяржаве персанальныя дадзеныя Азаронка. Азаронак распавёў, што гэта ён падаў заяву на Сатышура за тое, што ён выклаў у інтэрнэт асабістыя дадзеныя журналіста.

Senior software engineer з EPAM Артур Мемех рэлацыраваўся ў Нью-Джэрсі вясной 2020 года. Выглядае, што яго затрымалі, калі ён вырашыў наведаць сваякоў у Беларусі.

Апошні раз ён быў анлайн у сацсетках у канцы мінулай восені. Выглядае, што Мемех вырашыў наведаць Беларусь у канцы 2023 года ці пачатку 2024 года і быў затрыманы. Артура пачынаюць судзіць 23 верасня 2024 года за "садзейнічанне экстрэмісцкай дзейнасці".

Чэславу Герасімавічу 37 гадоў. Ён мінчанін.

Нейкі час у 2022-м Герасімовіч працаваў у Вільні, але пад восень 2022-га вярнуўся ў Мінск.

26 чэрвеня Чэслава асудзілі за «непадпарадкаванне міліцыянту» па адміністрацыйнай справе.

Мяркуючы па відэа ГУБАЗіК, Герасімовіча абвінавачваюць у тым , што ён чатыры разы ахвяраваў «экстрэмісцкаму фармаванню». Верагодна, яго абвінавачваюць па артыкуле 361-2 КК.

Герасімовіч у сацсетках піша, што больш за 15 гадоў праводзіў трэнінгі па псіхатэрапіі. З 2011-га стаў працаваць тэсціроўшчыкам. Захапляецца музыкай і іграе на гітары, а таксама піша вершы і малую прозу.

Вядомы полацкі бізнесмен. Абвінавачваўся па ч. 2 арт. 243-1 (ухіленне ад выканання абавязкаў падатковага агента па пералічэнні падаткаў, збораў), арт. 369-1 (дыскрэдытацыя Рэспублікі Беларусь), ч. 1 арт. 243-3 (ухіленне ад выплаты страхавых узносаў), ч. 3 арт. 243 (ухіленне ад выплаты падаткаў, збораў). Справу разглядаў у закрытым рэжыме Віцебскі абласны суд. Слуханне пачалося 23 ліпеня 2024 года і доўжылася па 28 лютага 2025 года. Дата пачатку спецыяльнай вытворчасці - 12.04.2024.

Пасля адкрыцця судовай спецвытворчасці бізнэсмэн вярнуўся ў Беларусь, нягледзячы на пагрозу пераследу, і быў затрыманы .

У Уладзіміра астма і быў інсульт мозгу. А на ўтрыманні маленькая дачка.

Прысуд - пазбаўленне волі .

Руслану Зубкову 26 гадоў. Мяркуючы па сацсетках, ён у апошнія гады жыў і працаваў у Польшчы.

У снежні 2023 года Зубкова ўнеслі ў спіс удзельнікаў экстрэмісцкага фарміравання "Расія - гэта зло". Гэта невялікі Тэлеграм-чат на 135 чалавек, дзе актыўныя зараз толькі тры чалавекі. У лютым 2024 года Руслана аб'яўлялі ў вышук на тэрыторыі Беларусі і Расіі - гэта значыць, што на той момант ён яшчэ быў на волі.

Калі Руслан быў затрыманы таксама невядома. Першы раз яго судзілі ў чэрвені 2024 года за «абразу Лукашэнкі» ў Камянецкім раённым судзе. Прысуд невядомы.

Жыхар Бабруйска быў затрыманы 26 лютага 2024 года, на наступны дзень пасля вяртання з Польшчы.

Спачатку яго асудзілі па адміністрацыйным артыкуле 19.11 (распаўсюджванне экстрэмісцкіх матэрыялаў), а затым распачалі крымінальную справу па артыкуле 361-1 КК РБ (стварэнне экстрэмісцкага фармавання). Максіма меркавана лічаць датычным да стварэння экстрэмісцкага фармавання «Бабруйск 375».

Яго затрымалі ў лютым, калі ён вярнуўся ў Беларусь з працы. Раней Аляксандр працаваў у лакаматыўным дэпо, але пасля 2020 года быў або звольнены, або сам звольніўся - падобна, што звальненне было палітычна матываваным. Пасля гэтага Камляня працаваў дальнабойшчыкам у заходніх краінах. А калі вярнуўся дадому з працы, быў затрыманы. Яго абвінавацілі ў абразе прадстаўніка ўлады.

Суд Верхнядзвінскага раёна прызнаў старонку Аляксандра ў «Аднакласніках» экстрэмісцкай.

Верагодней за ўсё быў затрыманы летам 2023 года. У 2013 годзе Артур адкрыў уласную бізнес-краму Grandbazaare, у якой прадаваў брэндавае адзенне і абутак. У групе групы Укантакце больш за 40 тысяч падпісчыкаў. У апошнія гады яго фірма спецыялізавалася на брэндзе Under Armour. А з 2023-га пераклаў старонкі свайго бізнэсу на беларускую мову.

Артур захапляецца спортам, але асабліва футболам, і нават раней гуляў у аматарскіх лігах на пазіцыі брамніка. У якасці фота на свае аватаркі ў сацсетках ён ставіць футбалістаў і іншых спартоўцаў.

Акрамя пазбаўлення волі Артуру прысудзілі штраф у памеры 700 базавых велічыняў.

Марына – беларускамоўная IT-спецыялістка з EPAM, якая таксама займаецца творчасцю. Яна піша артыкулы для беларускай Вікіпедыі, робіць ілюстрацыі, перакладае на беларускую мову і піша вершы. Пасля пачатку поўнамаштабнай расейскай агрэсіі супраць Украіны яна пераехала ў Грузію, але затым па невядомых прычынах вярнулася ў Беларусь. Неўзабаве яна была затрыманая ў рамках крымінальнай справы і асуджаная па артыкулах «фінансаванне экстрэмісцкай дзейнасці» і «фінансаванне ці іншая фінансавая падтрымка вайны».

21 лютага 2024 года ў судзе Пінскага раёна суддзя Бычыла Андрэй разгледзеў справу па ч. 2 ст. 19.11 КаАП (Распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне або перавозка з мэтай распаўсюджвання такой інфармацыйнай прадукцыі).

Відаць, пасля гэтага была заведзеная крымінальная справа.

Георгія Чараваку затрымалі ў жніўні пры вяртанні з ЗША. Асудзілі за данат у 21,29 даляра, які ён адправіў са свайго акаўнта PayPal у падтрымку Палка Каліноўскага. Да акаўнта была прывязана беларуская карта, з якой спісаліся сродкі. Улады палічылі гэта наўмыснымі дзеяннямі "з мэтай фінансавання дзейнасці па вярбоўцы, навучанні, іншай падрыхтоўцы" асоб да ўзброенага канфлікту ва Украіне.

На судзе ён распавёў, што добраахвотна паведаміў супрацоўнікам, што затрымалі яго, што ён падпісаны на шматлікія «экстрэмісцкія» тэлеграм-каналы, прызнаўся, што зрабіў перавод на рахунак Палка Каліноўскага.

Ён жа ўласнаручна даў супрацоўнікам паролі для ўваходу ў плацежную сістэму. Ён расказаў, што зрабіў донат, бо спадзяваўся, што гэтыя сродкі накіруюць на закупку касак, бронекамізэлек, медыкаментаў, аднак разумеў, што імі скарыстаюцца па сваім разуменні і, у тым ліку, купяць на іх зброю і боепрыпасы.

Вядома , што жанчыну затрымалі, калі яна вярнулася з Італіі.

15 сакавіка 2024 г. адбыўся разгляд апеляцыйнай скаргі.