Яўгеній Сяргеевіч Хітрык

Аляксандр — актывіст і былы каардынатар аргкамітэта па стварэнні партыі "Беларуская хрысціянская дэмакратыя". У 2019 годзе яго затрымалі напярэдадні парламенцкіх выбараў і асудзілі за тое, што ён на просьбу сяброўкі зняў кватэру для грамадзяніна Расіі, які пазней незаконна перасёк мяжу з Польшчай. Аляксандр лічыць справу сфабрыкаванай, бо не ведаў аб яго намерах. Ён правёў у зняволенні крыху больш за год і быў вызвалены па амністыі ў канцы жніўня 2020 года.

Аднак ужо ў сакавіку 2021 года Аляксандра зноў затрымалі і асудзілі за "ўдзел у групавых дзеяннях, якія груба парушаюць грамадскі парадак" у межах крымінальнай справы, распачатай пасля акцыі пратэсту 13 верасня 2020 года ў Брэсце. Падчас акцыі людзі спявалі і вадзілі карагоды, а супраць іх ужылі вадамёт.

Вызвалены ў сакавіку 2022 года, поўнасцю адбыўшы тэрмін пакарання, прызначаны судом.

Эдуард быў узяты пад варту ў зале суда ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце, супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках". Па матэрыялах справы, агульная шкода склала каля 24 тысяч беларускіх рублёў.

Вызвалены ў красавіку 2024 года, цалкам адбыўшы тэрмін пакарання, прызначаны судом.

Сяргей, акцёр і валанцёр, вядомы ў Пінску як арганізатар культурных мерапрыемстваў і валанцёр гарадской бальніцы. Ён быў затрыманы ў траўні 2021 года ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Па падліках праваабаронцаў ён быў вызвалены ў сакавіку 2025 года, цалкам адбыўшы тэрмін пакарання, прызначаны судом.

Уладзімір быў асуджаны за перформансы з манекенамі ў выглядзе супрацоўнікаў міліцыі з надпісамі "АМАП". Да арышту ў зале суда ён са студзеня 2021 года знаходзіўся пад хатнім арыштам.

Вызвалены ў жніўні 2022 года, цалкам адбыўшы прызначаны судом тэрмін пакарання.

Аліна была асуджаная за перформансы з манекенамі ў выглядзе супрацоўнікаў міліцыі з надпісамі «АМАП». Да арышту ў зале суда яна са студзеня 2021 года знаходзілася пад хатнім арыштам.

Вызвалена ў лютым 2022 года, цалкам адбыўшы прызначаны судом тэрмін пакарання.

Аляксандр, урач-неўролаг, працаваў у расійскім Нарыльску. Быў затрыманы ў траўні 2021 года пасля вяртання ў Беларусь — у межах крымінальнай справы, узбуджанай за абразу прадстаўнікоў праваахоўных органаў.

У студзені 2022 года яго асудзілі па трох крымінальных артыкулах за каментары на адрас 32 чыноўнікаў. Як растлумачыў сам Аляксандр, ён пакідаў іх на эмоцыях, бо падчас жнівеньскіх пратэстаў 2020 года валанцёрыў каля ізалятара на Акрэсціна. Апроч пазбаўлення волі, суд пастанавіў спагнаць з яго маральную кампенсацыю на карысць 20 супрацоўнікаў. На паседжанні таксама стала вядома, што адзін з пацярпелых па справе збіваў Аляксандра пры затрыманні.

У лістападзе 2022 года яго паўторна асудзілі па артыкулах «абраза прадстаўніка ўлады» і «пагроза гвалтам у дачыненні да службовай асобы».

3 красавіка 2024 года яму ўзмацнілі жорсткасць пакарання і перавялі на турэмны рэжым.

Вызвалены ў лістападзе 2024 года, цалкам адбыўшы тэрмін пакарання, прызначаны судом.

Валянцін быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Пасля затрымання мужчыне стала дрэнна, і яго пад канвоем даставілі ў Пінскую цэнтральную бальніцу, дзе дыягнаставалі перадінфарктны стан і змясцілі ў рэанімацыю. Як толькі ягоны стан палепшыўся, яго перавялі ў ІЧУ і пазней асудзілі за ўдзел у «масавых беспарадках».

Быў вызвалены ў жніўні 2024 года па памілаванні.

Сяргей, журналіст інтэрнет-выдання «Першы рэгіён», быў затрыманы 22 снежня 2020 года па справе аб абразе Лукашэнкі. Праз трое сутак яго змясцілі пад хатні арышт, а ў траўні 2021 года адпусцілі пад падпіску аб нявыездзе да суда.

У жніўні 2021 года Сяргея асудзілі за «абразу і паклёп на Лукашэнку» і «абразу прадстаўніка ўлады».

Вызвалены ў кастрычніку 2022 года, цалкам адбыўшы тэрмін пакарання, прызначаны судом.

У верасні 2023 года яго зноў затрымалі пасля вяртання з Польшчы і асудзілі на 15 сутак за «распаўсюджванне экстрэмісцкіх матэрыялаў».

У студзені 2024 года яго зноў арыштавалі — за рэпост з сайта «Ганцавіцкі час» ва «УКантакце», хаця акаўнт быў выдалены яшчэ ў лістападзе 2023 года. Суд не ўлічыў ні гэтага, ні пагаршэнне здароўя Сяргея: ён губляў прытомнасць і звяртаўся да лекараў.

Віктар быў затрыманы і асуджаны за спробы блакіравання руху чыгуначнага транспарта. У двух выпадках блакіроўка спрацавала, у выніку чаго быў парушаны рух цягнікоў.

Вызвалены ў жніўні 2022 года, цалкам адбыўшы тэрмін пакарання, прызначаны судом.

Уладзімір быў затрыманы і асуджаны за спробы блакіравання руху чыгуначнага транспарта. У двух выпадках блакіроўка спрацавала, у выніку чаго быў парушаны рух цягнікоў.

Вызвалены ў жніўні 2023 года, цалкам адбыўшы тэрмін пакарання, прызначаны судом.

Сяргей быў затрыманы і асуджаны за спробы блакіравання руху чыгуначнага транспарту. У двух выпадках блакіроўка спрацавала, у выніку чаго быў парушаны рух цягнікоў.

Па падліках праваабаронцаў, ён быў вызвалены ў жніўні 2023 года, цалкам адбыўшы тэрмін пакарання, прызначаны судом.

Андрэй быў затрыманы ў рамках крымінальнай справы, узбуджанай пасля стыхійных акцый пратэсту, якія прайшлі 10 жніўня 2020 года ў Брэсце супраць фальсіфікацыі прэзідэнцкіх выбараў. Яго асудзілі за ўдзел у "масавых беспарадках". Па матэрыялах справы, агульны ўрон склаў каля 24 тысяч беларускіх рублёў.

Па падліках праваабаронцаў, ён быў вызвалены ў траўні 2024 года, цалкам адбыўшы тэрмін пакарання, прызначаны судом.

Андрэй быў затрыманы ў межах крымінальнай справы, узбуджанай пасля акцыі пратэсту, якая праходзіла ў Пінску ў ноч з 9 на 10 жніўня 2020 года супраць фальсіфікацый на прэзідэнцкіх выбарах. Яго асудзілі за ўдзел у "масавых беспарадках".

Віталь быў затрыманы ў сакавіку 2021 года і асуджаны за "абразу" некалькіх брэсцкіх суддзяў і Лукашэнкі. Абвінавачанне грунтавалася на тым, што ён падаў у канцылярыі судоў іскавыя заявы, у якіх змяшчаліся "негатыўныя адзнакі", прызнаныя экспертамі як абразлівыя.

Вызвалены ў снежні 2022 года, цалкам адбыўшы тэрмін пакарання, прызначаны судом.

У снежні 2023 года суд Брэсцкага раёна разглядаў новую крымінальную справу супраць Віталя па артыкулах за "абразу" і "пашкоджанне дакументаў" у закрытым рэжыме. Віталь на суд не з'явіўся, і ягонае месцазнаходжанне на дадзены момант невядомае.