Вінаваты ва ўсіх бясчынствах, якія рабіліся ў СІЗА №6. Гэта збіццё затрыманых, уключаючы дзяцей, у першыя паслявыбарчыя дні, здзекі над падследнымі па Пінскай справе ды іншымі палітычнымі. Асобна варта адзначыць шматлікія парушэнні правоў прыхільнікаў перамен адбывалых адміністрацыйны арышт. Гэтых людзей збівалі, пазбаўлялі перадач, лістоў і ўтрымлівалі ў перапоўненых камерах.
Вінаваты ва ўсіх бясчынствах, якія рабіліся ў СІЗА №6. Гэта збіццё затрыманых, уключаючы дзяцей, у першыя паслявыбарчыя дні, здзекі над падследнымі па Пінскай справе ды іншымі палітычнымі. Асобна варта адзначыць шматлікія парушэнні правоў прыхільнікаў перамен адбывалых адміністрацыйны арышт. Гэтых людзей збівалі, пазбаўлялі перадач, лістоў і ўтрымлівалі ў перапоўненых камерах.
Вольга Сітнік-хатняя гаспадыня з Мінска, якая гадуе трох непаўналетніх дзяцей. У Вікіпедыі яна з 2009 года піша пра беларускую традыцыйную культуру і прыроду, а таксама на такія тэмы, як грудное кармленне. Больш за два дзесяткі яе артыкулаў былі ўдастоены статусу "добрых" або "выдатных". З 2010 года бесперапынна з'яўляецца адміністратарам беларускай Вікіпедыі. Вольга Сітнік унесла сотні тысяч правак у Вікіпедыю і стварыла тысячы артыкулаў для яе.
Яе затрымалі ў маі 2025 года. Сутнасць абвінавачанняў невядомая, але выглядае, што Сітнік праходзіць па крымінальнай справе з іншымі адміністратарамі беларускай Вікіпедыі, якія зараз за кратамі.
Ганну затрымалі восенню 2024 года ў рамках крымінальнай справы, узбуджанай па артыкулах «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», «заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь» і «распальванне варожасці». Яе асудзілі ў 2025 годзе за донаты і прыгаварылі да пазбаўлення волі ў калоніі.
Ганна доўгі час працавала ў банкаўскай сферы, у аддзелах па абслугоўванні кліентаў; апошняе месца працы — банк «Гандлёвы капітал» (ТК Банк). Вяла TikTok-канал аб тым, як правільна браць крэдыты і выбіраць жыллё.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
Крысціна была затрымана ў лістападзе 2024 года, а пазней, верагодна, у сярэдзіне 2025 года, асуджана па артыкулах "распальванне варожасці" і "арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх" і прыгаворана да пазбаўлення волі.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
Невядома дакладна, калі Марыну затрымалі, але ў сацсетках яна апошні раз была ў сярэдзіне кастрычніка 2024 года. У спісе экстрэмістаў у яе стаіць пазнака "адбывае пакаранне" — гэта значыць яна атрымала альбо хімію з кірункам, альбо калонію. Аднак мяркуючы па тым, што пасля суда яна нідзе не з'явілася анлайн, хутчэй за ўсё, Марыне Луц прысудзілі калонію.
З 2014 года да канца 2022 года яна мела ўласны бізнес-займалася арганізацый вяселляў і іншых мерапрыемстваў. А з 2023 года перакваліфікавалася ў UX/UI-дызайнера. Працавала яна ў асноўным як фрылансер. У Марыны ёсць маленькі сын.
Па падліках праваабаронцаў выйшла на волю летам 2025 года.
Вырак суда дата невядомая
1 год пазбаўлення волі ў калоніі ва ўмовах агульнага рэжыму.
Адзін з найстарэйшых дзеючых рэдактараў падзелу беларускай Вікіпедыі і самы дасведчаны адміністратар. Асноўную ўвагу надаваў старажытнай гісторыі Беларусі, але большую частку часу займаўся падтрыманнем парадку ў раздзеле і мадэраваннем спрэчак.
Затрыманне Максіма Ляпушэнкі стала не першым выпадкам рэпрэсій апошняга часу, накіраваных супраць аўтараў і рэдактараў беларускай Вікіпедыі. Затрыманні некалькіх беларускіх адміністратараў Вікіпедыі на працягу некалькіх месяцаў выглядаюць як частка скаардынаванай кампаніі, на што паказваюць і неабгрунтаваныя нападкі з боку прапагандыстаў: - У красавіку знікла адміністратарка Вольга Сітнік (Хамелка), яе двойчы затрымлівалі. - У снежні 2024 года быў затрыманы рэдактар Stary Jolup. - У сакавіку 2025 года знік Kazimier Lachnovič (сапраўднае імя невядома) - адзін з чатырох адміністратараў падзелу на тарашкевіцы. Праз тыдзень пасля знікнення адміністратара Kazimier Lachnovič выйшаў прапагандысцкі матэрыял Людмілы Гладкай, у якім гучала , што Вікіпедыя - гэта зброя масавага паражэння супраць краін постсавецкай прасторы, а беларускі падзел рэдагуецца з Польшчы.
Вырак суда 08.08.2025
2 гады 6 месяцаў абмежаванні волі без накіравання.
Працаваў бляхаром у прыватнай фірме. Калі пачалася перадвыбарная кампанія 2020 года, хадзіў на пікеты па зборы подпісаў, пасля - на маршы. Увосень 2020-га Аляксандра затрымалі супрацоўнікі КДБ і адправілі на 15 сутак. Пасля гэтага яго яшчэ не раз выклікалі "на гутаркі": "правяралі на паліграфе па справе аб разбітым акне ў нейкага суддзі або следчага", - успамінае ён.
У студзені 2025 года да яго на працу прыйшлі супрацоўнікі ГУБАЗіК і адвезлі ў Першамайскі РУУС. Яму прысудзілі 10 сутак у ІЧУ. Потым завялі крымінальную справу за ўдзел у пратэстах і этапавалі ў турму ў Калядзічах, дзе ён правёў два месяцы да суда.
Вырак суда 21.03.2025
2 гады 6 месяцаў абмежаванні волі без накіравання.
Апошняе фота ў сацсетцы дзяўчына выклала 18 лістапада 2024 года з Турцыі. Пасля гэтага яна паехала ў Беларусь - верагодна, тады яе і затрымалі. У тэлеграме яна даўно не з'яўлялася анлайн, а сацсеткі з лістапада неактыўныя. Верагодна, зараз дзяўчына ў СІЗА.
Пасля заканчэння МДЛУ Вераніка адпрацавала тры гады сцюардэсай у Катарскіх авіялініях. Яшчэ адно захапленне Веранікі - мадэлянг і акцёрства.
У сярэдзіне жніўня 2025 года з'явілася інфармацыя , што Вераніка ўжо знаходзіцца на волі. Яна апублікавала фота з Філіпін.
Вырак суда 04.03.2025
1 год пазбаўлення волі ў калоніі ва ўмовах агульнага рэжыму.
16 студзеня 2024 года КДБ прыняў рашэнне аб прызнанні "экстрэмісцкім фарміраваннем" фонду "Fund of Belarus Friend LTD". У рашэнні ведамства былі пазначаныя людзі, якія нібыта маюць дачыненне да фонду: беларусы Алег Стэфановіч і Аляксандр Сырыца, а таксама эстонец Алан Райо.
21 чэрвеня 2025 года Алан быў вызвалены пасля візіту ў Менск спецыяльнага прадстаўніка прэзідэнта ЗША Дональда Трампа - Кіта Келага.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
