Уладзімір Уладзіміравіч Клішын

Уладзімір Уладзіміравіч Клішын

Клішын Уладзімір Уладзіміравіч асабіста прымае непасрэдны ўдзел у палітычна матываваных рэпрэсіях у Рэспубліцы Беларусь, следствам якіх з'яўляецца, у тым ліку, і смерць людзей, якія пераследуюцца дзейным рэжымам. Уладзімір Клішын з'яўляецца адным з тых, хто кіруе рэпрэсіямі ў горадзе Гродна. У жніўні 2020 года ён сустракаўся з працаўнікамі «Гроднажылбуда», якія пратэставалі, выступаў перад калектывам «Хімвалакно». У абодвух выпадках Клішын праз пагрозы аказваў ціск на працоўных, якія былі незадаволеныя фальсіфікацыяй вынікаў выбараў прэзідэнта Рэспублікі Беларусь. Па заявах Уладзіміра Клішына былі прызнаныя экстрэмісцкімі шэраг гродзенскіх Telegram-каналаў, у тым ліку былы канал Hrodna.life. Таксама Клішын выступаў заяўнікам па ліквідацыі праз суд грамадскіх арганізацый і аб'яднанняў. Па іску Уладзіміра Клішына суд прыняў рашэнне аб ліквідацыі “Цэнтра гарадскога жыцця” і ТАА “Гродна Лайф Медыя”. У ліпені 2021 года пракурор выдаў афіцыйнае папярэджанне галоўнаму рэдактару Hrodna. life Аляксею Шоце аб адказнасці за парушэнне артыкула 23.5, 198-1 і 361 КаАП і артыкула 361-4 Крымінальнага кодэкса (парушэнне закона аб СМІ, заклікі да дзеянняў, накіраваных на прычыненне шкоды нацыянальнай бяспецы Беларусі і садзейнічанне экстрэмісцкай дзейнасці). За карціну з выявай антысаветчыка Яўгена Жыхара, Клішын узбудзіў крымінальную справу супраць Алеся Пушкіна, які пасля быў забіты ў турме. Выступаў у ролі дзяржабвінаваўцы на працэсах па справах прызнанага палітвязнем Канстанціна Паляка і Дзмітрыя Зімніцкага, абскарджанні прысуду Вадзіму Плаўскаму. Уладзімір Клішын выклікаў рэдактара сайта Znadniemna.pl журналіста Анджэя Пісальніка на размову, а на наступны дзень яго з жонкай прымусова павезлі ў Менск на допыт у Следчы камітэт. Клішын прадстаўляў у Гродзенскім абласным судзе абвінавачанне падчас апеляцыі па справе Вітольда Ашурка, забітым пасля ў турме. У 2022-м годзе за свае злачынствы быў узнагароджаны Ордэнам Пашаны. Такім чынам, Клішын Уладзімір Уладзіміравіч нясе адказнасць за парушэнні правоў чалавека і падрыў прынцыпаў вяршэнства закона, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі, следствам якіх з'яўляецца ў тым ліку і смерць людзей, якія пераследуюцца рэжымам. Ягоная праца на пасадзе пракурора сфакусаваная на падтрыманні пазіцый існуючай улады, а не на выкананні закона. Дзеянні Клішына садзейнічаюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна матываваных рэпрэсій у Рэспубліцы Беларусь.