Алена Васільеўна Літвіна

Алена Васільеўна Літвіна

Алена Васільеўна Літвіна мае дачыненне да палітычна матываваных рэпрэсій у Рэспубліцы Беларусь. Літвіна нясе адказнасць за тое, што ў якасці суддзі суда Ленінскага раёна г. Магілёва выносіць палітычна матываваныя прысуды ў дачыненні да прадстаўнікоў грамадзянскай супольнасці. У выніку рашэнняў Алены Літвіной па палітычных матывах выдадзена штрафаў на суму не менш як 5882.5 рублёў, і прысуджана не менш як 127 сутак адміністрацыйнага арышту. У судовай практыцы Алена Васільеўна Літвіна разглядае не толькі адміністрацыйныя справы, але і крымінальныя. У выніку яе рашэнняў на розныя тэрміны турэмнага зняволення былі асуджаныя беларусы выступоўцы супраць дзейнага ў краіне рэжыму. У прыватнасці, 17 лістапада 2020 года суддзя прыгаварыла палітвязня Уладзіміра Шустава да 3 гадоў калоніі за гвалт у дачыненні да міліцыянта (арт. 364 КК) падчас разгону мірнай акцыі пратэсту ў горадзе Магілёве. 20 красавіка 2021 г. Алена Літвіна асудзіла Канстанціна Шаўнёва на 2 гады абмежавання волі за абразу супрацоўніка міліцыі (арт. 369 КК) у групе Вконтакте. 30 ліпеня 2021 г. прыгаварыла Расціслава Кушнерава да 2,5 гадоў абмежавання волі за абразу супрацоўнікаў міліцыі (арт. 369 КК) у каментарах тэлеграм-канала. Таксама Літвіна пастанавіла выплаціць пацярпелым кампенсацыю ў 3000 рублёў у суме. Такім чынам, Літвіна Алена Васільеўна нясе адказнасць за парушэнні правоў чалавека і падрыў прынцыпаў вяршэнства закону, а таксама за садзейнічанне рэпрэсіям у дачыненні да прадстаўнікоў грамадзянскай супольнасці і дэмакратычнай апазіцыі. Яе праца ў рамках судовай сістэмы сфакусаваная на падтрыманні пазіцый існуючай улады, а не на выкананні закону. Дзеянні Літвіной садзейнічаюць парушэнням правоў чалавека, умацаванню ўлады Аляксандра Лукашэнкі і ўзмацненню палітычна матываваных рэпрэсій у Рэспубліцы Беларусь.