Першапачаткова Галіну затрымалі восенню 2021 года па абвінавачанні ва ўдзеле ў паслявыбарчых акцыях пратэсту. Пазней артыкул перакваліфікавалі, і пасля двух месяцаў зняволення адбылося судовае паседжанне, па выніках якога яе асудзілі па крымінальнай справе, узбуджанай па артыкуле аб абразе прадстаўніка ўлады, прыгаварыўшы да «хатняй хіміі».
У лютым 2022 года Галіну прызналі вінаватай па аналагічным артыкуле за каментары, пакінутыя ў Telegram-канале. Пацярпелымі выступілі старшыня Ваўкавыскага райвыканкама Міхаіл Сіцько (адзіны, хто не заявіў іск аб кампенсацыі маральнай шкоды), міліцыянеры АМАПа Гродзенскага УУС Дар'я Бандарчук і Марыя Мазуркевіч, начальнік ППС Ваўкавыскага РАУС Валерый Раманчык і начальнік Ваўкавыскага РАУС Віталь Асіцкі.
Агулам пацярпелыя ацанілі свае маральныя пакуты ў 5000 рублёў, пры гэтым пенсія Галіны складала 500 рублёў. У апошнім слове яна сказала, што пазбаўленне волі стане для яе «смяротным прысудам», аднак суддзя Андрэй Талочка вынес менавіта такі прысуд.
Галіна была вызвалена ў верасні 2022 года па памілаванні.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
