Пётр Пятровіч Міклашэвіч

Пётр Пятровіч Міклашэвіч

Адмова ў правядзенні свабодных і сумленных выбараў У сакавіку 2020 года Міклашэвіч заявіў, што Канстытуцыйны суд падрыхтаваў папраўкі ў Канстытуцыю, але не расказаў пра іх. Падобны спосаб распрацоўкі паправак неўпаўнаважаным органам з'яўляецца незаконным і можа быць кваліфікаваны як злоўжыванне ўладай ці службовымі паўнамоцтвамі. 25 жніўня 2020 года Міклашэвіч назваў Каардынацыйную раду неканстытуцыйнай. Адзначалася, што тлумачэнне Міклашэвіча дастасоўна да Усебеларускага народнага сходу, які Аляксандр Лукашэнка называў «адной з найважнейшых формаў прамой дэмакратыі». У лютым 2007 года трапіў у спіс спецыяльна абазначаных грамадзян і заблакіраваных асоб ЗША. Яго абвінавацілі ў рэпрэсіях супраць грамадзянскай супольнасці і дэмакратычнай апазіцыі, фальсіфікацыі прэзідэнцкіх выбараў 2006 года. Адпаведныя санкцыі прыняў і Еўрапейскі саюз. У лютым 2011 года быў зноў уключаны ў санкцыйны спіс Еўразвяза. Пасля прэзідэнцкіх выбараў і пратэстаў 2020 года быў унесены ў санкцыйныя спісы балтыйскіх краін у верасні таго ж года. 6 лістапада 2020 года на Пятра Міклашэвіча ў чарговы раз былі накладзены персанальныя санкцыі Еўрапейскага Звяза. 24 лістапада да гэтага пакета санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя, а 11 снежня - і Швейцарыя. Акрамя таго, 6 лістапада Міклашэвіч патрапіў пад санкцыі Вялікабрытаніі і Канады. Указаў, што Лідзія Ярмошына стаіць над законам і Канстытуцыяй РБ, калі яна лічыць выбары законнымі, то забаронена іх аспрэчваць.