Вікторыя Валер'еўна Шабуня

Аляксандр быў асуджаны за нібыта аказаны супраціў і прымяненне насілля да супрацоўніка міліцыі падчас акцыі пратэсту ў падтрымку палітзняволеных, якая прайшла 4 кастрычніка 2020 года ў Мінску.

Вызвалены ў кастрычніку 2022 года, поўнасцю адбыўшы тэрмін пакарання, прызначаны судом.

Антон быў затрыманы ў межах крымінальнай справы, узбуджанай па падзеях 14 ліпеня 2020 года ў Менску, калі людзі выйшлі на вуліцы ў знак пратэсту супраць рашэння ЦВК не рэгістраваць кандыдатамі ў прэзідэнты Віктара Бабарыка і Валерыя Цапкала. Ён быў асуджаны па артыкуле "Гвалт або пагроза прымянення гвалту ў дачыненні да супрацоўніка органаў унутраных спраў".

26 ліпеня 2023 года ён быў вызвалены, поўнасцю адбыўшы прызначаны судом тэрмін пакарання.

Мікіта быў затрыманы і моцна збіты ў верасні 2020 года. Яго асудзілі за ўдзел у акцыях пратэсту, якія праходзілі ў Менску з 9 па 11 жніўня і 13 верасня 2020 года. Па матэрыялах справы, Мікіта планаваў удзел у пратэстах, абмяркоўваючы маршруты і дзеянні ў выпадку затрымання ў тэлеграм-чаце «Гадзіна X». Следства сцвярджала, што рыхтаваўся напад на супрацоўнікаў міліцыі.

У 2022 годзе на Мікіту ўзмацніўся ціск: яго неаднаразова змяшчалі ў ШІЗА і ПКТ. Вядома, што з 30 чэрвеня 2023 г. ён правёў паўгода ў памяшканні камернага тыпу. Увосень 2023 года супраць яго распачалі новую крымінальную справу за «злоснае непадпарадкаванне адміністрацыі папраўчай установы» — артыкул, па якім судзяць зняволеных, якія адмаўляюцца супрацоўнічаць з адміністрацыяй, за выдуманыя парушэнні. Судовы працэс пачаўся 3 лістапада і завяршыўся ў студзені 2024 года, дадаўшы да ягонага тэрміну яшчэ адзін год пазбаўлення волі.

Па падліках праваабаронцаў, выйшаў на волю 10 сакавіка 2025 г.

Ягора затрымалі 9 жніўня 2020 года падчас акцыі пратэсту ў Менску супраць фальсіфікацыі прэзідэнцкіх выбараў. У той вечар ён стаў на бампер аўтазака, але затым няўдала зваліўся пад яго колы. Пасля гэтага супрацоўнікі АМАПу збілі яго, і Ягор быў адпраўлены ў шпіталь, дзе заставаўся да канца жніўня. Пазней яго ўзялі пад варту і асудзілі за ўдзел у пратэстнай акцыі.

Вызвалены 30 красавіка 2022 года, поўнасцю адбыўшы прызначаны судом тэрмін пакарання.

Ян быў затрыманы і асуджаны за ўдзел у акцыях пратэсту, якія праходзілі ў Менску з 9 па 11 жніўня і 13 верасня 2020 года. Па матэрыялах справы, ён планаваў удзел у пратэстах, абмяркоўваючы маршруты і дзеянні ў выпадку затрымання ў Telegram-чаце "Гадзіна X". Следства сцвярджала, што рыхтаваўся напад на супрацоўнікаў міліцыі.

Вызвалены летам 2023 года, цалкам адбыўшы тэрмін пакарання, прызначаны судом.

Сяргей былы прафесійны футбаліст. У 1997-1998 гадах правёў 36 матчаў у Вышэйшай лізе, гуляў за «Маладзечна» і слонімскі «Камунальнік». Пасля заканчэння кар'еры пайшоў у медыябізнес. Працаваў камерцыйным дырэктарам "Альфа-Радыё". Пасля быў дырэктарам рэкламнага агенцтва "Прайм медыя груп", галоўным рэдактарам тэлеканала TV RAY.

Быў затрыманы і асуджаны ў рамках справы аб масавых беспарадках, узбуджанай пасля падзей 9-13 жніўня 2020 г.

У чэрвені 2023 года суд прыняў рашэнне аб пераводзе Сяргея на турэмны рэжым да канца тэрміну.

1 жніўня 2025 года выйшаў на волю , цалкам адбыўшы тэрмін пакарання.