- Аб'яднанні
- Дзярж. служачыя
- Бацькі непаўнагадовых
- Аб'яднанні
- Дзярж. служачыя
- Бацькі непаўнагадовых
У 2020 годзе Уладзімір каардынаваў рэгіянальную групу Віктара Бабарыка. Пасля заканчэння Магілёўскага дзяржаўнага тэхнічнага ўніверсітэта ў 2001 годзе ён працаваў у Магілёўскім гарвыканкаме, а ў 2018 годзе стаў яго намеснікам, адказваючы за будаўніцтва і ЖКГ. У кастрычніку 2019 года пакінуў пасаду.
11 чэрвеня 2020 года супрацоўнікі Дэпартамента фінансавых расследаванняў правялі ператрус у офісе Белгазпрамбанка і ў асоб, звязаных з Бабарыкам, пасля чаго Уладзіміра затрымалі. У верасні 2021 года суд прызнаў яго вінаватым у злоўжыванні службовымі паўнамоцтвамі і махлярстве, аднак ён не прызнаў сваю віну.
У маі 2026 г. стала вядома, што Уладзімір выйшаў на волю яшчэ ў пачатку 2025 г. Мяркуецца , з -за таго, што прысуд фармальна быў непалітычны, ён мог трапляць пад амністыі, таму і выйшаў раней.
Сяргей, электраманцёр, быў затрыманы і асуджаны за ўдзел у акцыі пратэсту, якая праходзіла з 9 на 10 жніўня 2020 года.
У жніўні 2023 года ён быў вызвалены, поўнасцю адбыўшы прызначаны судом тэрмін пакарання.
- Аб'яднанні
- Актывісты
- Бацькі непаўнагадовых
- Аб'яднанні
- Актывісты
- Бацькі непаўнагадовых
Руслан, сябра ініцыятыўнай групы кандыдата ў прэзідэнты Святланы Ціханоўскай з Мазыра, быў затрыманы 19 жніўня 2020 года, праз суткі пасля заканчэння 10-дзённага адміністрацыйнага арышту за ўдзел у несанкцыянаваным масавым мерапрыемстве. Падчас першага арышту на тэлеканалах БТ і АНТ з'явіліся сюжэты, дзе сцвярджалася, што ён нібыта вырабляў "вожыкі" для блакіроўкі міліцэйскай тэхнікі, аднак на відэа быў паказаны іншы чалавек.
Пазней Руслан быў асуджаны па справе аб "масавых беспарадках".
Па падліках праваабаронцаў вызвалены ў маі 2025 года, поўнасцю адбыўшы тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Вадзіма затрымалі ў лістападзе 2020 года па абвінавачанні ў вырабе "кактэйляў Молатава" і спробе падпалу кіёска "Табакерка". Ён быў асуджаны па артыкуле "Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў".
У траўні 2024 года быў вызвалены, поўнасцю адбыўшы назначаны судом тэрмін пакарання.
Зміцер, сын вядомай грамадскай актывісткі Таццяны Канеўскай, быў затрыманы 27 студзеня 2021 года за каментар у Telegram-канале і асуджаны за «наўмысныя дзеянні, накіраваныя на распальванне расавай, рэлігійнай, сацыяльнай і іншай варожасці».
У кастрычніку 2023 года ён быў вызвалены, поўнасцю адбыўшы прызначаны судом тэрмін пакарання.
Уладзіміра затрымалі 20 снежня 2020 года і асудзілі за абразу Лукашэнкі А. Р.
8 снежня 2021 года ён быў вызвалены, поўнасцю адбыўшы прызначаны судом тэрмін пакарання.
- Аб'яднанні
- Актывісты
- Праваабаронцы
- Аб'яднанні
- Актывісты
- Праваабаронцы
Актывістка, праваабаронца і валанцёрка Гомельскага аддзялення Праваабарончага цэнтру “Вясна” была затрымана 21 студзеня 2021 года ў аэрапорце. Пазней яе асудзілі за "арганізацыю або актыўны ўдзел у групавых дзеяннях, якія груба парушаюць грамадскі парадак".
24 верасня 2022 года Таццяна была вызвалена па памілаванні, правёўшы ў зняволенні 1 год і 8 месяцаў.
Дзяніс быў затрыманы і асуджаны за блакіроўку рэек.
Па падліках праваабаронцаў, ён быў вызвалены, цалкам адбыўшы тэрмін пакарання, прызначаны судом.
- Аб'яднанні
- Актывісты
- Праваабаронцы
- Аб'яднанні
- Актывісты
- Праваабаронцы
Леанід, старшыня Гомельскага аддзялення Праваабарончага цэнтру “Вясна”, з'яўляецца праваабаронцам з 20-гадовым досведам працы па аднаўленні парушаных правоў грамадзян. Ён актыўна ўдзельнічаў у падрыхтоўцы і накіраванні мноства індывідуальных зваротаў у Камітэт па правах чалавека ААН супраць Беларусі. У 2020 годзе Леанід аказваў юрыдычную дапамогу ў абскарджанні рашэнняў судоў па справах удзельнікаў мітынгаў у Гомелі, якія праходзілі пасля фальсіфікацыі прэзідэнцкіх выбараў. У студзені 2021 года яго затрымалі і асудзілі за ўдзел у акцыях пратэсту.
Вызвалены 21 ліпеня 2023 года, поўнасцю адбыўшы тэрмін пакарання, прызначаны судом.
У пачатку сакавіка 2024 года супраць Леаніда была ўзбуджана завочная крымінальная справа за "садзейнічанне экстрэмісцкай дзейнасці". У чэрвені гэтага ж года адбыўся завочны суд, на якім яму было прызначанае пакаранне ў выглядзе пазбаўлення волі і буйнога штрафу.
- Аб'яднанні
- Актывісты
- Пенсіянеры
- Палітыкі
- Аб'яднанні
- Актывісты
- Пенсіянеры
- Палітыкі
Уладзіміра, грамадскага актывіста, затрымалі 23 снежня 2020 года і асудзілі за абразу памочніцы пракурора Гомеля Алесі Жураўскай у зале суда. Ён вымавіў фразу: «Арганізаваная злачынная група». Уладзімір не прызнаў сваю віну, растлумачыўшы, што гэты выраз адносіўся да вынесенага прыгавору Георгію Васіленка за ўзняцце бел-чырвона-белага сцяга на флагштоку гомельскай плошчы.
31 сакавіка 2023 года вызвалены поўнасцю адбыўшы тэрмін пакарання, прызначаны судом.
Яўген быў затрыманы і асуджаны за ўдзел у пратэстах, якія адбыліся ў Жлобіне з 9 па 13 жніўня 2020 года, што было зафіксавана камерай назірання крамы. Першапачаткова ён прызнаў сваю віну, але пазней заявіў, што зрабіў гэта пад ціскам. У судзе Яўген адмовіўся прызнаваць сваю віну.
У траўні 2022 года ён быў пераведзены на турэмны рэжым.
Па падліках праваабаронцаў, Яўген быў вызвалены восенню 2023 года, поўнасцю адбыўшы прызначаны судом тэрмін пакарання.
Яўгена затрымалі 17 лістапада 2020 года, і яго асудзілі за тое, што ён двойчы ўсталёўваў бел-чырвона-белыя сцягі ў бязлюдных месцах, пакідаючы побач скрынкі, якія маглі быць успрынятыя як выбуховыя прыстасаванні. Аднак, як аказалася, у скрынках знаходзіліся некалькі падшыпнікаў, пустая петарда і карыкатура на АМАП.
Па падліках праваабаронцаў, ён быў вызвалены ў пачатку красавіка 2024 года, цалкам адбыўшы тэрмін пакарання, прызначаны судом.
- Аб'яднанні
- Актывісты
- Бацькі непаўнагадовых
- Аб'яднанні
- Актывісты
- Бацькі непаўнагадовых
Уладзіміра затрымалі 13 верасня 2020 года падчас акцыі пратэсту ў Віцебску, і пасля ён быў асуджаны. Яму прад'явілі абвінавачанні ў тым, што ён «спрабаваў нанесці траўмы міліцыянтам, завалодаў іх службовым жэтонам, а затым, знаходзячыся ўжо ў аўтазаку пасля затрымання, распыліў газавы балончык у іх бок». На судзе Ўладзімер сваю віну не прызнаў.
У снежні 2023 года быў пераведзены ў СІЗА-1 для медабследавання.
Па падліках праваабаронцаў, ён быў вызвалены ў пачатку траўня 2024 года, цалкам адбыўшы тэрмін пакарання, прызначаны судом.
- Аб'яднанні
- Юрысты
- Аб'яднанні
- Юрысты
Андрэй, вайсковы юрыст, быў затрыманы 9 жніўня 2020 года і асуджаны за ўдзел у акцыі пратэсту, якая адбылася ў Полацку пасля выбараў. Па версіі следства, на плошчы Свабоды ў Полацку Андрэй удзельнічаў у несанкцыянаванай акцыі і прымяніў слёзатачывы газ супраць міліцыянтаў у форме. Пры затрыманні ён нібыта аказаў супраціўленне і працягваў выкарыстоўваць газ.
У кастрычніку 2023 года вызвалены поўнасцю адбыўшы тэрмін пакарання, прызначаны судом.
- Аб'яднанні
- Актывісты
- Людзі з інваліднасцю
- Пенсіянеры
- Аб'яднанні
- Актывісты
- Людзі з інваліднасцю
- Пенсіянеры
Галіна была затрыманая 10 снежня 2020 года ў межах крымінальнай «справы Аўтуховіча», якую ўлады абвясцілі «арганізатарам тэрарыстычнай групоўкі». Яе абвінавацілі ва ўдзеле ў «тэрарыстычнай арганізацыі», якая мае дачыненне да падпалаў маёмасці супрацоўнікаў міліцыі. Падчас следства Галіне ўвесь час пагражалі і прымушалі агаворваць сябе. Яна пісала скаргі ў пракуратуру, але не атрымлівала адказаў, а таксама падвяргалася жорсткім умовам утрымання ў карцэры, што некалькі разоў прыводзіла да страты прытомнасці. Была асуджана за "ўдзел у злачыннай арганізацыі", "акт тэрарызму" і "замах на захоп улады".
Увесну 2024 года з Галіны і двух іншых фігурантаў "справы" спагналі кампенсацыю за пашкоджанне маёмасці міліцыянтаў на суму больш за 40 тысяч рублёў.
11 верасня 2025 г. стала вядома, што 52 зняволеных беларускага рэжыму прымусова перамясцілі на тэрыторыю Літвы. Сярод іх ёсць і грамадзяне еўрапейскіх краін. Сярод вызваленых Галіна Дзербыш.