Алу разам з мужам і пляменніцай прызналі вінаватымі ва ўдзеле ў трох Маршах. Згодна з тэкстам абвінавачання, яны дзейнічалі наўмысна і ўзгоднена з групай асоб: прынялі актыўны ўдзел у несанкцыянаваным мерапрыемстве, не рэагавалі на патрабаванні супрацоўнікаў міліцыі спыніць мерапрыемства, знаходзіліся на праезнай частцы і перашкаджалі руху транспарту.
Вольга Рахуба, якая працуе рэдактаркай, віну прызнала часткова. Распавяла, што ведала аб "правядзенні несанкцыянаваных масавых мерапрыемстваў" і "з прычыны прафесійнага цікавасці" прыехала да месца правядзення Маршу. Фатаграфій на тэлефонах Вольгі і яе брата з жонкай, якія ў далейшым леглі ў аснову абвінавачвання абвінавачаныя не надавалі моцнага увагі. Акрамя гэтага, доказам віны трох абвінавачаных стала перасылка адзін аднаму фота з Маршу і перапіска ў сацсетках з іх абмеркаваннямі.
Была асуджаная разам з мужам за ўдзел у акцыях пратэсту ў 2020 годзе. Доказамі віны сталі перасылка адзін аднаму фота з маршаў і перапіска пра гэта ў сацсетках. Да суда ўсе знаходзіліся на волі пад закладам. Вядома, што Алена і Андрэй маюць малалетніх дзяцей.
Згодна з скрыншотамі яе старыс з праўладнага тэлеграм-канала, жанчына таксама мае актыўную грамадзянскую пазіцыю. За адну з такіх старыс распачалі крымінальную справу амаль праз 2 гады. Маўляў, у жніўні-2020 несправядліва назвала Лукашэнку забойцам, і зрабіла гэта ў абразлівай форме. Хаця паводле тэксту прысуду, не было праведзена ніякіх судовых экспертыз, якія даказвалі б абразлівасць інстаграм-гісторыі.
Насту разам з мужам Дзмітрыем абвінавацілі ва ўдзеле ў акцыі пратэсту 23 жніўня 2020 года. За месяц да суда Наста нарадзіла чацвёртае дзіця. Пракурор запытаў 1,5 гады калоніі абодвум мужам. Запытаныя пракурорам тэрміны сталі моцным ударам для сямейнай пары, а таксама выклікалі абурэнне ў беларускага грамадства. Суддзя прысудзіла Насці 3 гады "хатняй хіміі".
Таццяну абвінавацілі ў публічнай абразе прадстаўніка ўлады. Пацярпелым прызнаны старшы інспектар міліцыі аддзела аховы правапарадку і прафілактыкі Барысаўскага РУУС. Паводле абвінавачання, яго асоба была ацэнена негатыўна ў каментары, які Галамыцька пакінула пад фатаграфіяй супрацоўніка міліцыі ў мэсэнджэры тэлеграм.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
