Усе рэпрэсаваныя

Максім - мінчанін. Мае вышэйшую адукацыю. Мужчына ў разводзе. Калісьці ён працаваў ахоўнікам, пасля будаўніком. Потым адкрыў ІП - ставіў помнікі на могілках. Апошнім часам быў беспрацоўным.

Знаёмыя ўспамінаюць, што Максім служыў тэрміновую службу ў адной з менскіх частак «спецназа».

Максім абвінавачваецца ў тым, што ўзарваў міліцэйскае аўто каля Цэнтральнага РУУС.

Здарэнне адбылося ў ноч з 7 на 8 студзеня 2022 года недалёка ад будынка Цэнтральнага РУУС Мінска. За падрыў аўто распачата крымінальная справа па артыкуле 289 (акт тэрарызму, учынены паўторна).

Пазней следчыя дадалі, што ён жа ўначы на 13 студзеня нібыта такім жа чынам пашкодзіў кіёск «Табакерка» і ўрну.

26.05.2023 адбыўся разгляд апеляцыйнай скаргі, прысуд уступіў у сілу.

Экс-супрацоўнік банка "БелЗЭБ". Васіля затрымалі ў пачатку ліпеня 2022 года Праўладныя тэлеграм-каналы сцвярджалі, што яго затрымалі нібыта за «зліў» асабістых дадзеных сілавікоў, настаўнікаў і лекараў. У «пакаяльным» відэа Ермакоў распавядаў, што ўдзельнічаў у мітынгах у Менску і перадаў інфармацыю пра супрацоўнікаў МУС у бот «Чорнай кнігі Беларусі», «скарыстаўшыся службовымі паўнамоцтвамі».

Васіль быў моцна збіты, нават губляў прытомнасць, У яго былі зламаныя рэбры. У СІЗА-1 перавялі са шпіталя.

У яго ёсць 1 дзіця.

Мікалай, інжынер-сістэматэхнік і былы супрацоўнік РУП «Белтэлекам», быў затрыманы ў жніўні 2021 года ў рамках крымінальнай справы, узбуджанай па артыкуле «акт тэрарызму». У чэрвені 2023 года яго асудзілі па некалькіх крымінальных артыкулах, прызначыўшы вялікі тэрмін пазбаўлення волі.

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групе ўдзельнічалі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых органаў, спартоўцы і бізнэсмэны, якія імкнуліся захапіць уладу незаконным шляхам». Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Пётр быў затрыманы ў студзені 2022 года па абвінавачанні ў тэрарызме, выстаўленым на палітычнай глебе, і асуджаны па некалькіх крымінальных артыкулах. Яму прызначылі вялікі тэрмін пазбаўлення волі, першыя пяць гадоў з якога - турэмны рэжым.

Паводле абвінавачання, з ліпеня 2020 па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і "арганізацыяй масавых беспарадкаў".

Пятра зноў пераводзілі ў СІЗА-1 у 2025 годзе, верагодна па новай крымінальнай справе, у пачатку лістапада 2025 года зноў быў этапаваны ў калонію.

У 2020 годзе Павел працаваў старшым следчым у следчым аддзеле горада Мінска пракуратуры.

Ён быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму», і ў чэрвені 2023 года асуджаны па артыкулах аб «змове з мэтай захопу дзяржаўнай улады» і «злоўжыванні службовымі паўнамоцтвамі».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група», якая нібыта рыхтавала экстрэмісцкія злачынствы. У яе ўваходзілі радыкальна настроеныя вайскоўцы, сілавікі, спартоўцы і бізнэсмэны, якія імкнуліся захапіць уладу незаконным шляхам. Гэтая справа звязана са спробай падпалу дома дэпутата Алега Гайдукевіча ў чэрвені 2021 года і «арганізацыяй масавых беспарадкаў».

Зміцер, дырэктар кампаніі «Europcar», партнёра «Uber» у Менску, упершыню быў затрыманы ў лістападзе 2020 года па адміністрацыйным артыкуле за ўдзел у пратэстных акцыях, якія праходзілі супраць вынікаў прэзідэнцкіх выбараў. У другі раз ён быў затрыманы ў жніўні 2021 года ў межах крымінальнай справы, узбуджанай па артыкуле «акт тэрарызму».

Паводле абвінавачання, з ліпеня 2020 года па студзень 2022 года ў Беларусі, Турцыі, Польшчы, Украіне і іншых краінах «дзейнічала арганізаваная злачынная група, мэтай якой было здзяйсненне экстрэмісцкіх злачынстваў. У групу ўваходзілі радыкальна настроеныя асобы, у тым ліку былыя і дзейныя вайскоўцы, супрацоўнікі сілавых структур, спартоўцы і бізнэсмэны, якія імкнуліся захапіць уладу незаконным шляхам».

Гэтая справа звязана з абвінавачваннямі ў спробе падпалу дома дэпутата Алега Гайдукевіча ў чэрвені 2021 года і «арганізацыі масавых беспарадкаў».

Змітра асудзілі па некалькіх крымінальных артыкулах, яму быў прызначаны вялікі тэрмін пазбаўлення волі і штраф, а таксама ён быў пазбаўлены права займаць пасады, звязаныя з арганізацыйна-распарадчымі і адміністрацыйна-гаспадарчымі абавязкамі, на пяць гадоў.

У перыяд са жніўня 2020 года па 26 ліпеня 2022 года Аляксандр адміністраваў тэлеграм чат « Жыве Лунінец!», за што і быў затрыманы 27 ліпеня 2022 года.
24 лістапада 2022 рашэннем Міністэрства ўнутраных спраў тэлеграм-канал «Жыве Лунінец!» быў прызнаны «экстрэмісцкімі фарміраваннем» на тэрыторыі РБ.
Суд над Аляксандрам прайшоў 9 лютага 2023 года, дзе яго абвінавацілі па 5 артыкулах КК РБ: ч.1 арт. 361-1, ч. 1 арт. 342, ч. 2 арт. 367, арт. 369, ч. 3 арт. 361.
Пра Аляксандра Сумара вядома, што ў 2006 годзе ён працаваў у Лунінецкім РАУС у якасці эксперта-крыміналіста. У апошнія гады жыў у Маскве (Расія).

Мікалая абвінавачваюць у "фінансаванні тэрарыстычнай дзейнасці", па гэтым артыкуле пагражае ад 8 да 12 гадоў турмы.

Апошняе вядомае месца працы мужчыны - Рэспубліканскі цэнтр алімпійскай падрыхтоўкі па лёгкай атлетыцы.

6 чэрвеня 2023 г. быў асуджаны па арт. 361-2 КК на 6 гадоў калоніі ўзмоцненага рэжыму і вялікі штраф. Іншыя падрабязнасці справы невядомы.

1 верасня 2023 г. у Вярхоўным судзе суддзя Чаравач В. павінна была разглядаць апеляцыйную скаргу палітвязня. На дадзены момант першы прысуд уступіў у сілу, таму падчас вынясення другога Васілевіч лічыўся ўжо раней судзімым.

12 верасня 2023 г. у судзе Першамайскага раёна адбыўся яшчэ адзін суд над Мікалаем. На гэты раз яго абвінавацілі ў "фінансаванні тэрарыстычнай дзейнасці". Усяго за донаты Святлана Чарапавіч прысудзіла яму 9 гадоў і 6 месяцаў у калоніі ўзмоцненага рэжыму, а таксама штраф 600 базавых велічынь. У праўладным фільме гаворыцца, што ён ажыццявіў не менш як 54 ахвяраванні ў фонды салідарнасці.

14.11.2023 адбыўся разгляд апеляцыйнай скаргі, прысуд уступіў у сілу.

Былы ўкраінец. Беларускае грамадзянства атрымаў у 2010 годзе, часта бывае ў памежжы.

У сюжэце на праўладным канале сцвярджаецца, што ён перадаваў Купрыенку (абвінавачваецца ў шпіянажы), напрыклад, дадзеныя аб размяшчэнні ваеннай тэхнікі, руху калон. 

Былы вайсковец, тапограф. Як мяркуецца, затрыманы за ўдзел у пратэстных чатах. У фільме знятым праўладным тэлеканалам сцвярджаецца , што Зміцер нібыта ў 2020 зняў ролік-зварот да вайскоўцаў і сілавікоў, а яшчэ праз год звязаўся з арганізацыяй " Буслы ляцяць". Таксама па версіі тэлеканала, сёлета Гулін маніторыў чаты "Брэст-97", "Гомель-97", "Калінкавічы", "Лунінец" і сам актыўна пакідаў там каментарыі.

Утрымліваўся ў СІЗА КДБ.

Паколькі Зміцер 1 год і 3 месяцы правёў да суда ў шыза, то тэрмін быў пералічаны з улікам адбытага, у выніку засталося 12 гадоў пазбаўлення.

Дальнабойшчык. У відэа на праўладным канале сцвярджаецца, што ён з Польшчы "перавозіў бланкі бюлетэняў для галасавання з ужо прастаўленым выбарам на карысць адной альтэрнатыўнай кандыдаткі".

Пасля п 2-3 месяцаў пасля этапу ў ВК быў адпраўлены ў ШІЗА, з якога ўжо не вярнуўся. Пераведзены на турэмны рэжым на тры гады.

Па справе адбылося не менш за дзевяць судовых пасяджэнняў. На судзе было шмат сведкаў, якія давалі паказанні супраць яго. Яўгена абвінавацілі ў тым, што ён, адмініструючы канал, заклікаў выходзіць беларусаў на акцыі пратэсту, рэдагаваў пасады і г.д.

21.11.2023 адбылося апеляцыйнае паседжанне суда. Прысуд уступіў у сілу.

Быў асуджаны ў канцы 2022 года на хімію з накіраваннем за ўдзел у акцыях патэста, пасля чаго ў 2024 годзе быў асуджаны за махлярства і адпраўлены адбываць у ВК-2.