Па матэрыялах следства, з 20 жніўня 2020 года па 20 лютага 2022 года Таццяна праз Telegram-рэсурсы заклікала ўдзельнікаў чатаў да гвалтоўных дзеянняў у дачыненні да прадстаўнікоў улады і сілавых структур. Яна таксама без згоды пацярпелых, у тым ліку супрацоўнікаў пракуратуры і суддзяў, збірала, сістэматызавала і распаўсюджвала звесткі аб іх прыватным жыцці, што нібыта прычыніла шкоду іх правам і законным інтарэсам. Частка паведамленняў тычылася Лукашэнкі.
Паводле інфармацыі "Байпол", Таццяну прывабілі беларускія спецслужбы: малады чалавек пераканаў яе вярнуцца ў Беларусь, паабяцаўшы вырашыць усе пытанні, пасля чаго яна была затрымана КДБ у жніўні 2022 года.
У сакавіку 2023 года Таццяну асудзілі па шэрагу артыкулаў, уключаючы "распальванне іншай сацыяльнай варожасці" і артыкулы за "абразу", прыгаварыўшы да пазбаўлення волі і выплаты буйной кампенсацыі "пацярпелым".
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
Вырак суда 30.03.2023
4 гады 6 месяцаў пазбаўлення волі ў калоніі ва ўмовах агульнага рэжыму, 100 базавых велічынь штрафу, 23500 рублёў кампенсацыі.
Абвінавачанне будуецца на каментарах , якія Котаў нібыта пакідаў у так званых экстрэмісцкіх Telegram-каналах на працягу паўтара месяца пасля прэзідэнцкіх выбараў-2020. Там сьледчыя рэжыму Лукашэнкі нібыта знайшлі ўсе злачынствы па пералічаных артыкулах.
Таксама вядома, што Івана двойчы затрымлівалі пасля прэзідэнцкіх выбараў-2020. Упершыню непасрэдна пасля 9 жніўня. Другі раз сілавікі Лукашэнку схапілі Котава ў сярэдзіне лютага 2021-га. Тады АМАП затрымаў 68 чалавек у пасёлку Сокал Смалявіцкага раёна - удзельнікаў і гледачоў канцэрта гуртоў «Разбітае сэрца пацана».
Выйшаў на волю 17 лютага 2026 года, поўнасцю адбыўшы тэрмін пакарання.
Вырак суда 27.02.2023
3 гады 6 месяцаў пазбаўлення волі ў калоніі ва ўмовах агульнага рэжыму.
Была затрымана за ўдзел у акцыях пратэсту 2020 у Гродне разам з Людмілай Мазуркевіч. У выніку Наталлю асудзілі на абмежаванне волі без накіравання. У студзені 2024 года Наталля была затрыманая падчас рэйду сілавікоў на сваякоў палітвязняў і салідарных людзей. На свабоду Наталля не выйшла і была асуджаная на пазбаўленне волі.
Наталля асуджаная на 2.5 гады пазбаўлення волі. Пры гэтым ёй быў залічаны тэрмін на хіміі ў пераліку (8 месяцаў), а таксама залічыўся час, праведзены ў СІЗА, і пасля 4 месяцаў, праведзеных у калоніі, Наталля выйшла на волю, поўнасцю адбыўшы тэрмін пакарання.
Вырак суда 17.03.2023
3 гады абмежаванні волі без накіравання.
Вырак суда 04.10.2024
2 гады 6 месяцаў пазбаўлення волі ў калоніі ва ўмовах агульнага рэжыму.
Наста — вядомая беларуская праваабаронца. Са жніўня 2021 года яна была падазраванай у крымінальнай справе, звязанай з дзейнасцю арганізацыі «Вясна».
6 верасня 2022 года пасля наведвання судовага паседжання па справе «Рэвалюцыйнага дзеяння» Наста была двойчы асуджаная за «дробнае хуліганства» і правяла 30 сутак у зняволенні. Праз тры тыдні, 28 кастрычніка 2022 года, яе затрымалі ізноў. На судзе яна заявіла аб катаваннях: супрацоўнікі ГУБАЗіК ударылі яе электрашокерам і пакінулі на восем гадзін на холадзе без верхняга адзення, з-за чаго Наста захварэла. У зняволенні на Акрэсціна яна знаходзілася без цёплых рэчаў і сродкаў асабістай гігіены.
28 лістапада 2022 года Наста зноў была асуджаная на 15 сутак па артыкуле 19.1 «дробнае хуліганства». У сярэдзіне снежня яе перазатрымалі ў шосты раз па тым жа артыкуле, а ў канцы месяца прад'явілі абвінавачанні па крымінальных артыкулах і перавялі ў СІЗА-1. Па версіі абвінавачання, адзін з яе праваабарончых дакладаў аб пераследзе анархісцкай супольнасці ў 2018 годзе ўтрымліваў негатыўную ацэнку дзеянняў міліцыі, што стала падставай для ўзбуджэння крымінальнай справы. Праваабаронцы адзначаюць, што такое тлумачэнне артыкула не адпавядае міжнародным стандартам.
Амаль увесь судовы працэс, які пачаўся 13 чэрвеня 2023 г., праходзіў у закрытым рэжыме. 3 кастрычніка 2023 года была разгледжана апеляцыйная скарга. У ліпені 2025 года Наста была змешчаная на шэсць месяцаў у ПКТ.
19 сакавіка 2026 года яна была вызвалена пасля чарговага візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла і вывезена ў Літву.
Былы баец АМАПа, які зараз ваюе як добраахвотнік ва Украіне. Пацехін - былы вайсковец. Менавіта яго назвалі выканаўцам атакі на базу АМАПа. Абодва маюць дачыненне да ініцыятывы "Супраціў", якую рэжым Лукашэнкі прызнаў тэрарыстычнай.
Кулажэнка і Пацехіну прад'явілі абвінавачанні па васьмі артыкулах Крымінальнага кодэкса.
На маёмасць Кулажэнкі і Пацехіна накладзены арышт агульным коштам каля 240 тысяч рублёў.
Вырак суда 23.12.2024
23 гады пазбаўлення волі ў калоніі ва ўмовах узмоцненага рэжыму, 1000 базавых велічынь штрафу (завочны суд).
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
