Крысціна была асуджана ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.
Паводле матэрыялаў абвінавачання, 29 верасня 2021 года, даведаўшыся пра гібель Андрэя Зельцэра і супрацоўніка КДБ Дзмітрыя Федасюка, Крысціна пакінула ў адным з чатаў у мэсэнджэры Telegram каментар: «мая хата ўжо не мая крэпасць» і «нідзе нельга схавацца ад гэтых стварэнняў». Гэтыя выказванні следства расцаніла як абразу прадстаўніка ўлады, што было пацверджана заключэннем лінгвістычнай экспертызы ў судзе.
Вырак суда 28.07.2022
2 гады абмежаванні волі без накіравання, 50 базавых велічынь штрафу.
Мікіта, студэнт БНТУ, быў затрыманы і асуджаны па артыкуле "здзек з дзяржаўных сімвалаў". Па версіі абвінавачання, восенню ён прагульваўся па Бабруйску, падскочыў і сарваў сцяг, усталяваны ля крамы. Сцяг разам з мацаваннем упаў на зямлю, пасля чаго Мікіта прабег з ім каля 20 метраў, размахваючы дрэўкам. На наступны дзень палотнішча выкінулі на вуліцы.
Па падліках праваабаронцаў, ён быў вызвалены восенню 2024 года, цалкам адбыўшы тэрмін пакарання, прызначаны судом.
Вырак суда 25.11.2022
2 гады абмежаванні волі з накіраваннем ва ўстанову адкрытага тыпу.
Да вынясення прысуду Аляксандр знаходзіўся пад вартай, яго вызвалілі ў зале суда.
Адашчык прызналі вінаватым ва ўдзеле ў Маршы 23 жніўня 2020 года. Згодна з пазіцыяй абвінавачання, ён не падпарадкаваўся патрабаванням міліцыі " вызваліць праезную частку, пешаходную і зялёную зоны для свабоднага і спакойнага перамяшчэння грамадзян і транспарту". Аляксандр прызнаў віну, абвінавачаньне таксама палічыла доказамі фатаграфію Адашыка з праезнай часткі на праспэкце Пераможцаў у Менску з нацыянальным сьцягам на плячах.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
