Палітвязня абвінавацілі ў тым, што ён 18 сакавіка 2022 года ў Івацэвіцкім раёне зняў на тэлефон перамяшчэнне беларускай вайсковай тэхнікі і даслаў відэа ў адзін з тэлеграм-гуртоў, прызнаных "экстрэмісцкімі" матэрыяламі. Андрэй поўнасцю прызнаў віну і раскаяўся ў зробленым.
Мабільны тэлефон мужчыны канфіскавалі як "сродак учынення злачынства" .
03.11.2023 адбылося апеляцыйнае паседжанне суда, прысуд уступіў у сілу.
Вырак суда 04.09.2023
2 гады 6 месяцаў пазбаўлення волі ў калоніі ва ўмовах агульнага рэжыму.
У пачатку кастрычніка 2022 г. у Маскоўскім раёне сталіцы на апоры лініі электраперадач невядомыя вывесілі бел-чырвона-белы сцяг і сцяг Украіны. У тэлеграм-канале Антона Матолькі на наступны дзень з'явіўся пост з фатаграфіяй сцяга і подпісам: "Мінчане віншуюць украінскі народ з цудоўнымі навінамі з крымскага моста. Крым — це Україна! Жыве Беларусь! Слава Украіне!". Падчас аператыўна-вышуковых мерапрыемстваў супрацоўнікі міліцыі затрымалі шасцярых мінчан ва ўзросце ад 34 да 36 гадоў, якія нібыта гэта зрабілі. У тым ліку і Ігара.
Як піша прапагандыстка Гладкая, з верасня 2020-га года Ігар Цікач пакінуў больш за тры тысячы паведамленняў у адным з экстрэмісцкіх дваровых чатаў.
Гладкая таксама адзначае, што Савельеў і Цікач нібыта хацелі атрымаць візы, абнавілі пашпарты, а Ігар ужо чакаў званок ад польскага консульства. У Ігара на волі засталіся двое непаўналетніх дзяцей і жонка, якая мае сур'ёзныя праблемы са здароўем.
14.09.2023 адбыўся разгляд апеляцыйнай скаргі. Прысуд уступіў у сілу.
Па падліках праваабаронцаў вызвалены ў снежні 2024 года, поўнасцю адбыўшы тэрмін пакарання, прызначаны судом.
Вырак суда 12.06.2023
невядома гадоў пазбаўлення волі ў калоніі ва ўмовах агульнага рэжыму.
14 сакавіка 2023 года сілавікі апублікавалі пакаяннае відэа з Іванам, дзе ён паведамляе, што быў затрыманы за рэгістрацыю ў "Плане Перамога" і за распаўсюджванне экстрэмісскіх матэрыялаў. Рашэннем суда стала 7 сутак адміністрацыйнага арышту, сумарна Іван знаходзіўся 10 сутак у ІЧУ.
Раней ён працаваў медыцынскім судовым экспертам, як мяркуецца, з-за чаго і прыцягнуў асаблівую ўвагу ў спецслужбаў.
Трансгендэрны мужчына. Пры напісанні ліста звярніце ўвагу: указвайце на канверце пашпартныя дадзеныя Алега (Вольга Аляксееўна Заяц). Працаваў рамеснікам, вырабляў бранзалеты і іншыя сувеніры, якія можна было набыць у лаўцы Свята-Елісавецінскага манастыра. Мае захворванне страўніка, а таксама праблемы з апорна-рухальным апаратам (ампутаваны пальцы на нагах).
Затрыманы 29.03.23, як мяркуецца, за ўдзел у акцыях пратэсту. У кватэры быў праведзены ператрус супрацоўнікамі КДБ. Алег спачатку знаходзіўся некалькі тыдняў у СІЗА КДБ, затым - на экспертызе ў РНПЦ псіхічнага здароўя, цяпер пераведзены ў СІЗА-1.
Раней Алег неаднаразова затрымліваўся паводле палітычных артыкулаў. Ва ўсіх выпадках у знак пратэсту Алег аб'яўляў і трымаў сухую галадоўку.
Уладзіслава абвінавацілі ва ўдзеле ў мінскай акцыі пратэсту ў 2020 годзе і выхадзе на праезную частку. Ён цалкам прызнаў віну і раскаяўся ў зробленым.
Уладзіславу змянілі меру ўтрымання з узяцця пад варту на падпіску аб нявыездзе і вызвалілі з залы суда. Мужчына працаваў слесарам 4 разраду ў адкрытым акцыянерным таварыстве.
Вырак суда 13.06.2023
2 гады 6 месяцаў абмежаванні волі без накіравання.
Згодна з матэрыяламі справы, у лютым 2022 года яна размясціла каментар, які «абразіў і зняважыў гонар і годнасць» Падвойскага, Мельніка і Казлова і «быў накіраваны на падрыў аўтарытэту прадстаўнікоў прадстаўнікоў улады». Пасля апублікавання ў тэлеграм-канале "КіберСлівы" роліка са злівам тэлефоннай гутаркі з верасня 2020 года Падвойскага, Мельніка і Казлова, якая стала доказам таго, што міліцыя паказвае суддзям, якія рашэнні выносіць удзельнікам мірных пратэстаў. Пад ім пакінулі водгукі больш за два дзясяткі чалавек, сярод якіх апынулася і Кацярына Леў. Затрымалі Кацярыну праз год - 01.02 2023 года.
Выйшла 20 жніўня 2024 года па памілаванні.
Вырак суда 30.05.2023:
2 гады пазбаўлення волі ў калоніі агульнага рэжыму.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
