У кастрычніку 2021 года быў затрыманы супрацоўнікамі ГУБАЗіКу. Спачатку Стас правёў паўгода ў СІЗА, а суд прыгаварыў яго да 2 гадоў «хіміі з накіраваннем» за ўдзел у пратэстах 2020 года і за «абразу» Лукашэнкі.
Вырак суда:
2 гады абмежавання волі з накіраваннем у папраўчую ўстанову адкрытага тыпу.
З прысуду вынікае , што ў 2021 годзе, 18 верасня ў 15:07, мужчына напісаў каментар у тэлеграм-чаце "Чат Элехтарата". Там "негатыўна ацаніў" А.Лукашэнка. Таксама супраць Кронды таксама было расследаванне па іншым папулярным палітычным артыкуле - арт.370 КК (Здзек над дзяржсімваламі) - але тую справу спынілі за заканчэннем тэрміну даўнасці.
Па падліках праваабаронцаў выйшаў на волю летам 2024 г.
Вырак суда 06.12.2023
1 год пазбаўлення волі ў калоніі ва ўмовах агульнага рэжыму.
Хутчэй за ўсё, дзяўчыну затрымалі пры вяртанні ў Беларусь, бо яе акаўнт у фэйсбуку (зараз зачынены) быў зусім неачышчаны. На аватарцы стаяў бел-чырвона-белы сцяг, захоўваліся падпіскі на "люстэрка" і "Хартыю'97". А ў плацяжах стаялі тры ахвяраванні - на 10, 20 і 50 долараў.
Вольга скончыла Гомельскі дзяржаўны ўніверсітэт у 2011 годзе, яна адвучылася на праграміста-матэматыка. На яе профілі ў сетцы Linkedin пазначана шэсць IT-кампаній, у якіх яна працавала. Са жніўня 2020 дзяўчына кіруе камандай тэстыравальнікаў у кампаніі UULA, зарэгістраванай у Кувейце. Праўда, у акаўнце Вольгі Блажэвіч пазначана, што яна працавала ў Індыі.
Па словах сілавікоў, зараз Вольга Блажэвіч знаходзіцца ў ізалятары часовага ўтрымання і вырашаецца пытанне аб тым, да якой адказнасці яе прыцягнуць.
Затрымліваўся падчас пратэстаў 9-12 жніўня 2020 года, быў моцна збіты на Акрэсціна, пасля выхаду адтуль даваў інтэрв'ю розным выданням, шчыра расказваючы пра катаванні над людзьмі. зноў быў затрыманы 7 жніўня 2023 г. спачатку па адміністратыўным артыкуле, потым па крымінальным.
Мужчыну абвінавацілі ва ўдзеле ў акцыях пратэсту ў Мінску ў 2020 годзе і выхадзе на праезную частку. Як паведамляецца ў судовай пастанове, "у натоўпе разам з іншымі грамадзянамі, якія мелі пратэстную сімволіку, рухаўся па праезнай частцы дарогі". Мікіта поўнасцю прызнаў віну. Яго апазналі па пратэстных фатаграфіях у інтэрнэце.
Мікіта Новік працаваў поварам у адкрытым акцыянерным таварыстве.
Станіслава затрымалі па вяртанні ў Беларусь з Польшчы, куды ён пераехаў больш за год таму. У канцы 2023 года ён прыехаў дадому, каб правесці святы з сям'ёй, але быў арыштаваны ў межах крымінальнай справы, узбуджанай пасля пратэстаў 10 жніўня 2020 года ў Брэсце супраць фальсіфікацыі прэзідэнцкіх выбараў. Станіслава асудзілі за ўдзел у "масавых беспарадках".
У апублікаваным праўладным пакаяльным відэа ён распавядае, што "ўдзельнічаў у пратэстах і выходзіў на праезную частку". На запісе бачна, што твар Станіслава падрапаны, хаця пры затрыманні такіх пашкоджанняў не было прыкметна.
Затрымана разам з усёй сям'ёй (маці, бацька, брат) па падазрэнні ў "дзяржзмене". Працавала медсястрой у Гомельскай абласной клінічнай бальніцы. Падрабязнасці справы невядомыя. Абвінавачанні былі знятыя на этапе следства і Насцю вызвалілі з-пад варты .
Дырэктар аўтацэнтра "Энергія ГмбХ". Пад запіс сілавікі прымусілі мужчыну сказаць, што ў 2020 годзе ён удзельнічаў у мітынгу, які на той момант не быў забаронены, і ў жніўні таго ж года пералічыў 1220 рублёў у фонд салідарнасці.
Прапагандысты таксама адзначылі, што дома ў бізнэсоўца знайшлі «пачкі грошай у сотні тысяч даляраў», і паказалі кадры, як група людзей з бел-чырвона-белымі сцягамі стаіць насупраць будынка аўтацэнтра.
У чым абвінавачваецца мінчук і ці знаходзіцца ён на дадзены момант пад вартай - не паведамляецца.
Далучайся да нашай супольнасці
👉 Будзь на перадавой лініі дапамогі, атрымлівай эксклюзіўныя навіны і дзяліся сваёй падтрымкай.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
