Зміцер быў асуджаны за каментар у тэлеграм-канале «Карнікі Беларусі» пад фатаграфіяй старэйшага памочніка пракурора Фрунзенскага раёна Мінска Валерыі Таратынкі. Па версіі абвінавачання, каментар прынізіў яе гонар і годнасць.
Улетку 2021 года Змітра абвінавацілі ў абразе прадстаўнікоў улады праз тэлеграм-канал «Карнікі Беларусі». Пацярпелымі сталі міліцыянеры Дзмітрый Дзедзюн і Мікіта Міхалачкін; Дзедзюн патрабаваў 2000 рублёў кампенсацыі. Раней Зміцер ужо быў асуджаны па тым жа артыкуле на два гады абмежавання волі. Прыгавор па другой справе павінен быў быць вынесены пасля разгляду апеляцыйнай скаргі па першым прыгаворы, якая адбылася 17 жніўня таго ж года, аднак вынік другой справы пакуль невядомы.
- Аб'яднанні
- Пенсіянеры
- Аб'яднанні
- Пенсіянеры
Святлана – маці палітвязня Ігара Ярмолава, асуджанага на пяць гадоў калоніі ўзмоцненага рэжыму за "падрыхтоўку да масавых беспарадкаў". Яе абвінавацілі ў абразе супрацоўніка мінскага АМАПу, спаслаўшыся на нібыта пакінуты ёй каментар у Facebook, і прыгаварылі да абмежавання волі з накіраваннем і выплаты кампенсацыі маральнай шкоды.
Мікіта быў асуджаны за ўдзел у паслявыбарчай акцыі пратэсту, якая праходзіла ў Жлобіне ў ноч з 9 на 10 жніўня 2020 года.
- Аб'яднанні
- Затрыманыя да 18 гадоў
- Аб'яднанні
- Затрыманыя да 18 гадоў
Максім быў асуджаны за ўдзел у "масавых беспарадках" у межах крымінальнай справы, распачатай пасля стыхійных акцый пратэсту, якія адбыліся 10 жніўня 2020 года ў Брэсце супраць фальсіфікацый на прэзідэнцкіх выбарах. Да суда ён знаходзіўся пад падпіскай аб нявыездзе, аднак на працэсе 19 ліпеня 2021 года мера стрымання была зменена, і яго ўзялі пад варту.
У верасні 2022 года ў рамках памілавання яму замянілі від пакарання на "хатнюю хімію".
У сакавіку 2024 года ў дачыненні да Максіма адбылося судовае паседжанне "аб замене абмежавання волі без накіравання ў папраўчую ўстанову адкрытага тыпу".
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Сяргей быў асуджаны за тое, што ў 2020 годзе пасля фальсіфікацыі выбараў і збіцця ўдзельнікаў мірных акцый, ён пакінуў некалькі графіці на розных аб'ектах Слоніма і Слонімскага раёна, у тым ліку прыпынкі ў вёсцы Шылавічы. Адзін з надпісаў на закінутай сцяне тычыўся начальніка мясцовага РАУС і перадаваў сэнс: "народ не даруе".
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Анастасія была асуджаная ў ліпені 2021 года за ўдзел у паслявыбарных акцыях пратэсту, якія праходзілі ў жніўні-верасні 2020 года ў Мінску.
Віктар быў асуджаны па артыкуле "Хуліганства, учыненае групай асоб" за нанясенне графіці і надпісаў на прыпынках. Матэрыяльны ўрон ён поўнасцю кампенсаваў у дасудовым парадку і прызнаў сваю віну.
У верасні 2021 года рэжым адбывання пакарання быў заменены на "хатнюю хімію" ў рамках памілавання.
- Аб'яднанні
- Аб'яднанні
У лістападзе 2020 года Алена ўдзельнічала ў акцыі медыкаў каля 1-й ГКБ, пасля чаго была аштрафаваная за ўдзел у несанкцыянаваным масавым мерапрыемстве. У сакавіку 2021 года ўрач, якая працавала ў дзіцячай паліклініцы, была звольнена.
У ліпені 2021 года яе асудзілі па артыкуле "Знявага прадстаўніка ўлады", прыгаварыўшы да абмежавання волі без накіравання і абавязаўшы выплаціць кампенсацыю супрацоўніку міліцыі Грушэўскага.
У снежні таго ж года Алену паўторна асудзілі па тым жа артыкуле — за каментар на адрас участковага інспектара міліцыі Цэнтральнага раёна Гомеля Арцёма Жаўняка. Суд зноў прызначыў абмежаванне волі і пастанавіў спагнаць з яе буйную кампенсацыю.
Галіна была асуджаная за каментар, пакінуты ў адрас драгічынскага міліцыянта Юрыя Чарнышкова ў сацыяльнай сетцы «Аднакласнікі».
Згодна з матэрыяламі справы, 5 сакавіка 2021 года Алена з выкарыстаннем інтэрнэту ў Telegram-канале «Тыповая Беларусь» пакінула абразлівы каментар пад матэрыялам пра намесніка міністра ўнутраных справаў Генадзя Казакевіча. Яна была прыгаворана да абмежавання волі без накіравання.
Вадзім быў асуджаны за ўдзел у мірнай акцыі пратэсту — маршы ў падтрымку палітвязняў, які праходзіў 4 кастрычніка 2020 года ў Мінску, і прысуджаны да абмежавання волі без накіравання.
- Аб'яднанні
- Ваенныя
- Дзярж. служачыя
- Пенсіянеры
- Аб'яднанні
- Ваенныя
- Дзярж. служачыя
- Пенсіянеры
Аляксей, былы першы намеснік старшыні праўлення Белгазпрамбанка, быў асуджаны ў ліпені 2021 года ў рамках "справы Бабарыка" па артыкуле "атрыманне хабару" і прыгавораны да абмежавання волі без накіравання.
Надзею прызналі вінаватай у тым, што з 9 па 23 лістапада 2020 года яна, наўмысна і ў непрыстойнай форме, размясціла пад відэа на YouTube, дзе ГАІ ў Бабруйску без прычыны забірае аўтамабіль, каментар з негатыўнай ацэнкай прадстаўнікоў улады — маёра міліцыі Бандура, старшага лейтэнанта Дрозда і малодшага лейтэнанта Анісічава — са змесцівам «Понабралі ідыётаў», што наносіць шкоду іх гонару і годнасці.
Таццяну асудзілі за каментар, пакінуты 14 жніўня 2020 года ў сацсетцы "Аднакласнікі" пад фота супрацоўніка міліцыі Юрыя Чарнышкова. Па версіі абвінавачання, яна публічна абразіла прадстаўніка ўлады з мэтай падарваць аўтарытэт дзяржаўных органаў. Экспертыза палічыла яе словы негатыўнай ацэнкай. Суд прыгаварыў Таццяну да абмежавання волі.