Ірына, намесніца дырэктара TUT.BY і адна з першых супрацоўніц ТАА «Тут Бай Медыя», была затрымана 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры .
У сакавіку 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Ірыны і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
Марыя, намеснік галоўнага бухгалтара TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У сакавіку 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Марыі і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
Ала, галоўны інжынер TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У траўні 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Алы і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
- Аб'яднанні
- Актывісты
- Блогеры
- Бацькі непаўнагадовых
- Аб'яднанні
- Актывісты
- Блогеры
- Бацькі непаўнагадовых
Вольга, блогерка і дызайнерка, неаднаразова падвяргалася пераследам і затрыманням па адміністрацыйных артыкулах пасля падзей, якія рушылі за выбарамі 2020 года ў Мінску. У траўні 2021 года ў яе доме быў праведзены ператрус, пасля якога Вольгу затрымалі ў межах крымінальнай справы, узбуджанай па абвінавачанні ў "арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх". Да гэтага яна ўжо знаходзілася ў статусе падазронай па двух артыкулах Крымінальнага кодэкса — "абраза суддзі" і "паклёп у дачыненні да супрацоўніка выбарчай камісіі".
У снежні таго ж года Вольгу асудзілі, прыгаварыўшы да пазбаўлення волі.
Яна была вызвалена ў чэрвені 2022 года, цалкам адбыўшы тэрмін пакарання, прызначаны судом.
- Аб'яднанні
- Прадпрымальнікі
- Аб'яднанні
- Прадпрымальнікі
Дар'я, менеджэрка TAM.BY і дырэктарка RocketData, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У красавіку 2022 года яе асудзілі па артыкуле «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Яна была прыгаворана да пазбаўлення волі, аднак вызвалена ў зале суда, паколькі на момант вынясення прыгавору ўжо адбыла ўвесь тэрмін пад вартай падчас следства.
- Аб'яднанні
- Журналісты
- Аб'яднанні
- Журналісты
Алена — журналістка. Пачала працу ў TUT.BY у 2014 годзе. Спачатку працавала ў раздзеле "Будаўніцтва і нерухомасць", праз некалькі гадоў перайшла ў раздзел "Грошы і ўлада".
Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. У ліпені 2022 года Алену выпусцілі з СІЗА пад падпіску аб неразгалошванні і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".
На суд па справе TUT.BY, які пачаўся ў студзені 2023 года ў закрытым рэжыме, Алена не з'явілася — да таго часу яна ўжо пакінула краіну. У красавіку таго ж года Менскі гарадскі суд выклікаў дэпутата Валерыя Варанецкага і палітолага Яўгена Прэйгермана, якія даручыліся за Алену — ім прызначылі штраф у памеры па 18,5 тысячы беларускіх рублёў кожнаму.
У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.
- Аб'яднанні
- Журналісты
- Аб'яднанні
- Журналісты
Вольга — былая галоўрэд палітыка-эканамічнага блока TUT.BY, скончыла БДУ, БДЭУ і Оксфард, вяла праграму "Эканоміка на пальцах" з Сяргеем Чалым.
18 траўня 2021 года яна была затрымана па крымінальнай справе аб ухіленні TUT.BY ад выплаты падаткаў. Пазней ёй прад'явілі абвінавачанні ў "распальванні сацыяльнай варожасці" і "закліках да санкцый". У сакавіку 2022 года яе выпусцілі з СІЗА пад падпіску аб нявыездзе і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".
На суд па справе TUT.BY, які пачаўся ў студзені 2023 года ў закрытым рэжыме, Вольга не з'явілася — да таго моманту яна ўжо пакінула краіну. У красавіку таго ж года Мінскі гарадскі суд выклікаў кіраўніка Рэспубліканскага саюза прамыслоўцаў і прадпрымальнікаў (РСПП) Аляксандра Швеца ў сувязі з яго паручальніцтвам за Вольгу - яму прызначылі штраф у памеры 18,5 тысячы беларускіх рублёў.
У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.
- Аб'яднанні
- Журналісты
- Аб'яднанні
- Журналісты
Марына - галоўная рэдактарка TUT.BY з 2004 года, вядомая цікавасцю да балканскай культуры і веданнем балгарскай мовы.
У 2019 годзе яе аштрафавалі ў рамках крымінальнай справы па артыкуле аб «бяздзеянні службовай асобы» - за доступ да матэрыялаў БелТА; праваабаронцы прызналі гэтую справу палітычна матываванай.
У маі 2021 года яе затрымалі па абвінавачанні ва ўхіленні ад выплаты падаткаў, аднак пазней гэтае абвінавачанне было знята.
У кастрычніку 2022 года КДБ унёс Марыну ў спіс «датычных да тэрарыстычнай дзейнасці». Пазней ёй таксама прад'явілі абвінавачанні ў "распальванні варожасці" і "закліках да дзеянняў супраць нацыянальнай бяспекі".
Судовы працэс праходзіў у закрытым рэжыме і доўжыўся больш за два месяцы — усяго адбылося 37 паседжанняў. У сакавіку 2023 года яна была прыгаворана да працяглага тэрміну пазбаўлення волі.
13.12.2025 года была вызвалена пасля чарговага візіту ў Мінск спецыяльнага прадстаўніка прэзідэнта ЗША Дональда Трампа - Джона Коўла, і вывезена ва Украіну.
Марына была асуджаная ў рамках крымінальнай справы, узбуджанай за блакіроўку чыгуначных шляхоў і развешванне пудзілаў у Брэсце.
Вызвалена ў снежні 2022 года, цалкам адбыўшы тэрмін пакарання, прызначаны судом.
Аліна была асуджаная за перформансы з манекенамі ў выглядзе супрацоўнікаў міліцыі з надпісамі «АМАП». Да арышту ў зале суда яна са студзеня 2021 года знаходзілася пад хатнім арыштам.
Вызвалена ў лютым 2022 года, цалкам адбыўшы прызначаны судом тэрмін пакарання.
Дыяна была асуджана за тое, што, паводле матэрыялаў справы, у пачатку лютага 2021 года ў начны час нанесла на фасад будынка трансфарматарнай падстанцыі фарбай малюнак — сімвал аб'яднанага штаба, чым прычыніла РУП "Мінскэнерга" маёмасную шкоду.
Падчас следства Дыяна была звольнена паводле пагаднення бакоў.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Людміла была асуджаная за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.
Упершыню Валянціна была асуджана ў траўні 2021 года за "ўдзел у групавых дзеяннях, якія груба парушаюць грамадскі парадак" у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт.
У красавіку 2024 года стала вядома, што Валянціну затрымалі за ўдзел у акцыі пратэсту 10 жніўня 2020 г. у Брэсце супраць фальсіфікацый на прэзідэнцкіх выбарах. У жніўні таго ж года яе прыгаварылі да пазбаўлення волі, залічыўшы ў тэрмін раней прызначанае пакаранне ў выглядзе "хатняй хіміі".
Вызвалена восенню 2024 года, цалкам адбыўшы тэрмін пакарання, прызначаны судом.
Вікторыя была асуджана за «ўдзел у групавых дзеяннях, якія груба парушаюць грамадскі парадак» у межах крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.
27 сакавіка 2022 года стала вядома, што Вікторыя паспяхова пакінула краіну.
Алена была асуджаная за «ўдзел у групавых дзеяннях, якія груба парушаюць грамадскі парадак» у рамках крымінальнай справы, распачатай пасля акцыі пратэсту, якая прайшла 13 верасня 2020 года ў Брэсце. Тады ўдзельнікі спявалі і вадзілі карагоды, а супраць іх ужылі вадамёт. Па версіі абвінавачання, акцыя парушыла працу грамадскага транспарту.
Вызвалена ў студзені 2023 года, цалкам адбыўшы тэрмін пакарання, назначаны судом.