- Аб'яднанні
- Актывісты
- Праваабаронцы
- Аб'яднанні
- Актывісты
- Праваабаронцы
Марыя была затрымана 9 верасня 2020 года і асуджана за надпіс "Не забудзем" на месцы гібелі Аляксандра Тарайкоўскага, які быў застрэлены каля станцыі метро "Пушкінская" падчас пратэсту, які праходзіў 10 жніўня 2020 года ў Мінску.
Людміла была асуджаная па артыкуле за абразу Лукашэнкі і арыштаваная проста ў зале суда. Па версіі абвінавачання, 12 жніўня 2020 года яна размясціла ў сацсетцы «УКантакце» з акаўнта мужа доўгае паведамленне з выразамі на адрас Лукашэнкі. На судзе жанчына тлумачыла, што публікавала яго для сябе і не ўсведамляла, што запіс быў даступны іншым карыстальнікам. Паводле яе слоў, звычайна на старонцы размяшчаліся фота жывёл, а дадзенае паведамленне было апублікавана публічна памылкова.
Людміла была вызвалена 9 сакавіка 2022 года ў межах памілавання.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
У верасні 2020 года ў інтэрнэце распаўсюдзілася відэа з Жодзіна, на якім міліцыянт Мікалай Бараноўскі з такой сілай ударае жанчыну па твары, што яна падае на зямлю. Да яго адразу падбеглі абураныя гараджане, сярод якіх была Анастасія — яна сарвала з міліцыянера маску. У траўні 2021 года суд прызнаў яе вінаватай, расцаніўшы гэты ўчынак як «здзяйсненне гвалту альбо пагрозу ўжывання гвалту ў дачыненні да супрацоўніка органаў унутраных справаў».
- Аб'яднанні
- Адміністратары TG-каналаў
- Замежныя грамадзяне
- Студэнты
- Аб'яднанні
- Адміністратары TG-каналаў
- Замежныя грамадзяне
- Студэнты
Сафія — студэнтка Еўрапейскага гуманітарнага ўніверсітэта і грамадзянка Расійскай Федэрацыі — была затрыманая ў траўні 2021 года пасля прымусовай пасадкі рэйса Ryanair у Менску беларускімі ўладамі. Самалёт рухаўся па маршруце Афіны - Вільня. Сафію абвінавацілі ў адміністраванні тэлеграм-канала "Чорная кніга Беларусі", дзе публікаваліся персанальныя дадзеныя і звесткі аб прыватным жыцці дзяржаўных служачых.
У канцы снежня 2021 года ёй было прад'яўлена канчатковае абвінавачанне па сямі артыкулах Крымінальнага кодэкса, пасля чаго справа была перададзена ў суд.
Разгляд справы праходзіў у закрытым рэжыме. У траўні 2022 года Сафія была прызнана вінаватай па двух крымінальных артыкулах. Па выніках суда яе прыгаварылі да пазбаўлення волі, а таксама абавязалі выплаціць кампенсацыі пацярпелым і судовую пошліну на агульную суму каля 70 тысяч долараў. Пасля ўся сума была выплачана яе сям'ёй.
Сафія была вызвалена ў чэрвені 2023 года ў рамках памілавання.
Анжэла, галоўны бухгалтар TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У сакавіку 2022 года яна была вызвалена з СІЗА пад падпіску аб нявыездзе. Абвінавачанні з яе зняты не былі.
У красавіку 2023 года стала вядома, што крымінальны пераслед у дачыненні да Анжэлы і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
- Аб'яднанні
- Блогеры
- Навукоўцы
- Аб'яднанні
- Блогеры
- Навукоўцы
Юлія — беларуская пісьменніца, культуролаг, прафесар і ўдава заснавальніка TUT.BY Юрыя Зісера — была затрымана 18 траўня 2021 года ў межах крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У яе дом прыйшлі з ператрусам, падчас якога ёй стала дрэнна з сэрцам — у яе здарыўся гіпертанічны крыз. Пад канвоем Юлію даставілі ў лякарню. Пасля выпіскі ў той жа дзень больш за суткі заставалася невядомым яе месцазнаходжанне. Пазней стала вядома, што Юлію змясцілі пад хатні арышт.
У студзені 2022 года мера стрымання была зменена з дамашняга арышту на падпіску аб нявыездзе. Абвінавачанні не былі знятыя.
У красавіку 2023 года стала вядома, што крымінальны пераслед у дачыненні да Юліі і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
- Аб'яднанні
- Юрысты
- Аб'яднанні
- Юрысты
Ірына, былая юрыстка TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У красавіку 2022 года стала вядома, што мера стрымання была зменена з хатняга арышту на падпіску аб нявыездзе. Абвінавачанні не былі знятыя.
У красавіку 2023 года стала вядома, што крымінальны пераслед у дачыненні да Ірыны і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
- Аб'яднанні
- Юрысты
- Аб'яднанні
- Юрысты
Кацярына — юрысконсульт TUT.BY. Скончыла юрфак БДУ. Да TUT.BY працавала ў буйной рэкламнай кампаніі.
Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. Праз некалькі дзён змясцілі пад хатні арышт.
У красавіку 2022 года стала вядома, што Кацярыне змянілі меру стрымання з хатняга арышту на падпіску аб нявыездзе.
На суд па справе TUT.BY, які пачаўся ў студзені 2023 года ў закрытым рэжыме, Кацярына не з'явілася — да таго часу яна ўжо пакінула краіну.
У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.
Ірына, намесніца дырэктара TUT.BY і адна з першых супрацоўніц ТАА «Тут Бай Медыя», была затрымана 18 траўня 2021 года ў рамках крымінальнай справы, узбуджанай супраць TUT.BY па абвінавачанні ва ўхіленні ад выплаты падаткаў у асабліва буйным памеры .
У сакавіку 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Ірыны і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
Марыя, намеснік галоўнага бухгалтара TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У сакавіку 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Марыі і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
Ала, галоўны інжынер TUT.BY, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У траўні 2022 года яна была вызвалена з СІЗА пад падпіску аб нявыездзе. Абвінавачанні знятыя не былі.
У красавіку 2023 года стала вядома, што крымінальны пераслед у дачыненні да Алы і яшчэ васьмі фігурантаў «справы TUT.BY» быў спынены на падставе станоўчага разгляду хадайніцтваў аб вызваленні ад крымінальнай адказнасці, раней пададзеных імі.
- Аб'яднанні
- Актывісты
- Блогеры
- Бацькі непаўнагадовых
- Аб'яднанні
- Актывісты
- Блогеры
- Бацькі непаўнагадовых
Вольга, блогерка і дызайнерка, неаднаразова падвяргалася пераследам і затрыманням па адміністрацыйных артыкулах пасля падзей, якія рушылі за выбарамі 2020 года ў Мінску. У траўні 2021 года ў яе доме быў праведзены ператрус, пасля якога Вольгу затрымалі ў межах крымінальнай справы, узбуджанай па абвінавачанні ў "арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх". Да гэтага яна ўжо знаходзілася ў статусе падазронай па двух артыкулах Крымінальнага кодэкса — "абраза суддзі" і "паклёп у дачыненні да супрацоўніка выбарчай камісіі".
У снежні таго ж года Вольгу асудзілі, прыгаварыўшы да пазбаўлення волі.
Яна была вызвалена ў чэрвені 2022 года, цалкам адбыўшы тэрмін пакарання, прызначаны судом.
- Аб'яднанні
- Прадпрымальнікі
- Аб'яднанні
- Прадпрымальнікі
Дар'я, менеджэрка TAM.BY і дырэктарка RocketData, была затрымана 18 траўня 2021 года ў рамках крымінальнай справы супраць TUT.BY, узбуджанай па абвінавачанні ва ўхіленні ад выплаты падаткаў у асабліва буйным памеры.
У красавіку 2022 года яе асудзілі па артыкуле «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Яна была прыгаворана да пазбаўлення волі, аднак вызвалена ў зале суда, паколькі на момант вынясення прыгавору ўжо адбыла ўвесь тэрмін пад вартай падчас следства.
- Аб'яднанні
- Журналісты
- Аб'яднанні
- Журналісты
Алена — журналістка. Пачала працу ў TUT.BY у 2014 годзе. Спачатку працавала ў раздзеле "Будаўніцтва і нерухомасць", праз некалькі гадоў перайшла ў раздзел "Грошы і ўлада".
Яе затрымалі 18 траўня 2021 года ў межах крымінальнай справы супраць TUT.BY за ўхіленне ад выплаты падаткаў у асабліва буйным памеры. У ліпені 2022 года Алену выпусцілі з СІЗА пад падпіску аб неразгалошванні і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".
На суд па справе TUT.BY, які пачаўся ў студзені 2023 года ў закрытым рэжыме, Алена не з'явілася — да таго часу яна ўжо пакінула краіну. У красавіку таго ж года Менскі гарадскі суд выклікаў дэпутата Валерыя Варанецкага і палітолага Яўгена Прэйгермана, якія даручыліся за Алену — ім прызначылі штраф у памеры па 18,5 тысячы беларускіх рублёў кожнаму.
У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.
- Аб'яднанні
- Журналісты
- Аб'яднанні
- Журналісты
Вольга — былая галоўрэд палітыка-эканамічнага блока TUT.BY, скончыла БДУ, БДЭУ і Оксфард, вяла праграму "Эканоміка на пальцах" з Сяргеем Чалым.
18 траўня 2021 года яна была затрымана па крымінальнай справе аб ухіленні TUT.BY ад выплаты падаткаў. Пазней ёй прад'явілі абвінавачанні ў "распальванні сацыяльнай варожасці" і "закліках да санкцый". У сакавіку 2022 года яе выпусцілі з СІЗА пад падпіску аб нявыездзе і даручальніцтва, але абвінавачанні не былі знятыя. Увосень таго ж года КДБ унёс яе ў спіс "датычных да тэрарызму".
На суд па справе TUT.BY, які пачаўся ў студзені 2023 года ў закрытым рэжыме, Вольга не з'явілася — да таго моманту яна ўжо пакінула краіну. У красавіку таго ж года Мінскі гарадскі суд выклікаў кіраўніка Рэспубліканскага саюза прамыслоўцаў і прадпрымальнікаў (РСПП) Аляксандра Швеца ў сувязі з яго паручальніцтвам за Вольгу - яму прызначылі штраф у памеры 18,5 тысячы беларускіх рублёў.
У лютым 2025 года пачаліся судовыя пасяджэнні па крымінальнай справе ў рамках спецыяльнай вытворчасці па чатырох артыкулах — вынік невядомы.