Працаваў бляхаром у прыватнай фірме. Калі пачалася перадвыбарная кампанія 2020 года, хадзіў на пікеты па зборы подпісаў, пасля - на маршы. Увосень 2020-га Аляксандра затрымалі супрацоўнікі КДБ і адправілі на 15 сутак. Пасля гэтага яго яшчэ не раз выклікалі "на гутаркі": "правяралі на паліграфе па справе аб разбітым акне ў нейкага суддзі або следчага", - успамінае ён.
У студзені 2025 года да яго на працу прыйшлі супрацоўнікі ГУБАЗіК і адвезлі ў Першамайскі РУУС. Яму прысудзілі 10 сутак у ІЧУ. Потым завялі крымінальную справу за ўдзел у пратэстах і этапавалі ў турму ў Калядзічах, дзе ён правёў два месяцы да суда.
Вырак суда 21.03.2025
2 гады 6 месяцаў абмежаванні волі без накіравання.
Ірына больш за 15 гадоў працавала ў АТ "Пеленг" — найбуйнейшым праектна-канструктарскім прадпрыемстве оптыка-электроннай прамысловасці. У апошні час яна займала пасаду інжынера-канструктара 1-й катэгорыі ў навукова-канструктарскім аддзеле СКС, у сектары забеспячэння вытворчых сістэм.
Верагодна, Ірына была затрымана ў рамках рэйду на прадпрыемства, які пачаўся летам 2024 года. У сакавіку 2025 года яе асудзілі за "заклікі да санкцый" і прыгаварылі да пазбаўлення волі.
13 снежня 2025 года яна была вызвалена пасля візіту ў Мінск спецыяльнага прадстаўніка прэзідэнта ЗША Дональда Трампа — Джона Коўла — і вывезена ва Украіну.
Вырак суда 12.03.2025
1 год 6 месяцаў пазбаўлення волі ў калоніі ва ўмовах агульнага рэжыму.
Як відаць з сацыяльных сетак Анастасіі, яна прафесійна займалася фатаграфіяй, рабіла фотасесіі на замову. Яе апошняя актыўнасць у сетцы была ў студзені 2025 года.
65-гадовага дырэктара крамы аўтазапчастак Віктара Макаранкі за тое, што ён адмовіўся прадаваць тавар вайскоўцам Расійскай Федэрацыі і назваў іх акупантамі, абвінавацілі па арт. 190 Крымінальнага кодэкса ("парушэнне раўнапраўя грамадзян").
28 кастрычніка 2022 года адзін з праўладных тэлеграм каналаў апублікаваў пасаду, дзе паведаміў пра затрыманне ў Баранавічах дырэктара крамы аўтазапчастак. Па іх інфармацыі, мужчына сказаў свайму падначаленаму: "Не прадавай ім нічога, яны акупанты". Пад акупантамі меліся на ўвазе вайскоўцы Расійскай Федэрацыі.
Дырэктара крамы аўтазапчастак затрымалі. Праўладны тэлеграм-канал сцвярджаў, што пасля затрымання знайшліся доказы ўдзелу мужчыны ў пратэстах 2020 года, а таксама факты здзейсненых пасля 24 лютага грашовых пераводаў на Узброеныя сілы Украіны.
Мужчыну сапраўды затрымлівалі ў межах крымінальнай справы па арт.190 КК РБ на трое сутак, а таксама арыштоўвалі на 15 сутак па арт. 19.11 КаАП (распаўсюджванне экстрэмісцкіх матэрыялаў).
Да суда мужчына знаходзіўся на волі.
У судзе Баранавіцкага раёна і горада Баранавічы 16 лютага 2023 г. вынесены прысуд. Пракурорка Святлана Пасемка запытала для Макаранкі штраф у памеры 300 базавых велічыняў (11 100 рублёў). Суддзя Арцём Падалянец прызначыў мужчыну менавіта такое пакаранне.
Яшчэ да суда баранавіцкі пракурор накіраваў пазоў у эканамічны суд аб спыненні дзейнасці індывідуальнага прадпрымальніка Макаранкі. 19 снежня 2022 года эканамічны суд спыніў ягоную дзейнасць. Віктар Макаранка працаваў індывідуальным прадпрымальнікам з 1993 года, зараз мужчына знаходзіцца на пенсіі.
Вырак суда 16.02.2023
300 базавых велічынь штрафу.
Далучайся да нашай супольнасці
👉 Будзь на перадавой лініі дапамогі, атрымлівай эксклюзіўныя навіны і дзяліся сваёй падтрымкай.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
