Максім быў прызнаны вінаватым у ліпені 2021 года па крымінальнай справе, узбуджанай па артыкуле "абраза прадстаўніка ўлады". Паводле абвінавачання, 20 сакавіка 2021 года Максім з намерам публічнай абразы пакінуў у тэлеграм-канале "Карнікі Беларусі" каментар пад паведамленнем з фатаграфіяй супрацоўніка АМАП Ігара Манахава, які змяшчае слова "Л***о".
Артур быў прызнаны вінаватым па крымінальнай справе, узбуджанай па артыкуле "абраза прадстаўніка ўлады", за каментар, пакінуты ў верасні 2020 года да публікацыі з фатаграфіяй прэс-сакратара МУС Вольгі Чамаданавай.
Руслан быў прызнаны вінаватым у траўні 2021 года па крымінальнай справе, узбуджанай па артыкуле "абраза прадстаўніка ўлады", за каментар, апублікаваны ў тэлеграм-канале "Карнікі Беларусі" ў дачыненні да намесніка начальніка — начальніка міліцыі грамадскай бяспекі Партызанскага РУУС г. Мінска А. Ф. Альшэўскага.
Паўторна Руслана прызналі вінаватым у верасні 2021 года па крымінальнай справе, узбуджанай па артыкуле "абраза прадстаўніка ўлады", за каментар, пакінуты ў кастрычніку 2020 года ў тым жа тэлеграм-канале ў адрас памочніка начальніка Ленінскага РУУС г. Гродна Уладзіміра Казлоўскага, які нібыта быў збіты на выбарчым пікеце, пасля чаго быў затрыманы Сяргей Ціханоўскі.
Па выніках разгляду дзвюх крымінальных спраў Руслана прыгаварылі да абмежавання волі без накіравання ў папраўчую ўстанову адкрытага тыпу, а таксама да выплаты буйной кампенсацыі маральнай шкоды.
Вікторыю прызналі вінаватай па артыкуле «здзек над дзяржаўнымі сімваламі». Па версіі следства, яна змяніла выяву Дзяржаўнага герба і выкарыстоўвала яго як лагатып сваіх Telegram- і YouTube-каналаў, а таксама ў апублікаваных відэа, што, на думку следства, з'яўлялася «праявай кплівага стаўлення і спробай прыцягнуць увагу да свайго канала».
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Андрэй быў прызнаны вінаватым у ліпені 2021 года па артыкуле «абраза прадстаўніка ўлады» за каментар, пакінуты ў сацыяльнай сетцы «Аднакласнікі» пад пастом пра капітана міліцыі Сяргея Шрамава, а таксама пра ўчастковага інспектара міліцыі грамадскай бяспекі, капітана міліцыі Аляксандра Шлупакава.
Пост у «Аднакласніках» быў прысвечаны таму, як міліцыянты падчас ператрусу ў горадзе Дуброўне канфіскавалі чырвона-белыя паветраныя шары, якія віселі ў доме мясцовага жыхара, пасля чаго яго за гэта асудзілі на 15 сутак адміністрацыйнага арышту.
Сяргей быў прызнаны вінаватым па крымінальнай справе, узбуджанай па артыкуле аб абразе суддзі, за каментар, пакінуты ў сацыяльнай сетцы «Аднакласнікі» у дачыненні да суддзі суда Лідскага раёна Гарадзенскай вобласці Філатава М. Ю. Каментар, па версіі абвінавачання, з'яўляўся абразлівым і зневажальным.
Іван быў прызнаны вінаватым у чэрвені 2021 года па крымінальнай справе, узбуджанай па артыкуле аб апаганенні збудаванняў і пашкоджанні маёмасці, за нанясенне надпісаў і малюнкаў пратэстнага характару.
Дзяніс быў прызнаны вінаватым у чэрвені 2021 года па артыкуле «абраза прадстаўніка ўлады» за каментар, пакінуты ў адрас супрацоўніка Дзяржаўтаінспекцыі Ганцавіцкага РУУС Ігара Вольніча, які ўжыў падчас разгону ланцуга салідарнасці да затрыманага ўдзельніка болевы задушлівы прыём, прыціснуўшы каленам шыю.
Марына была прызнана вінаватай у чэрвені 2021 года па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў сацыяльнай сетцы «Аднакласнікі» у адрас оперупаўнаважанага Драгічынскага РАУС Юрыя Чарнышкова. Каментар быў пакінуты пад публікацыяй, у якой было напісана, што Чарнышкоў 10 жніўня 2020 года на плошчы ў Драгічыне збіваў рукамі і нагамі дзяўчыну, а затым "перадаў" яе АМАПу.
- Аб'яднанні
- Пенсіянеры
- Аб'яднанні
- Пенсіянеры
Міхаіл быў прызнаны вінаватым у чэрвені 2021 года па крымінальнай справе, узбуджанай па артыкуле аб абразе Лукашэнкі. Працэс праходзіў у закрытым рэжыме, таму падрабязнасці справы невядомыя.
Міхаіла на паседжанні прадстаўляў законны прадстаўнік. Знаёмыя абвінавачанага паведамілі, што ён з'яўляецца ўжо дастаткова пажылым чалавекам.
Яўген быў прызнаны вінаватым па крымінальнай справе, узбуджанай па артыкуле аб апаганенні збудаванняў і пашкоджанні маёмасці, за нанясенне надпісаў і малюнкаў пратэстнага зместу («Жыве Беларусь!», «3%» і бела-чырвоных палос) на трох аўтобусных прыпынках у Жодзіне.
Юрый быў прызнаны вінаватым па крымінальнай справе, узбуджанай па артыкуле аб апаганенні збудаванняў і пашкоджанні маёмасці, за нанясенне надпісаў і малюнкаў пратэстнага зместу («Жыве Беларусь!», «3%» і бела-чырвоных палос) на трох аўтобусных прыпынках у Жодзіне.
Наталля была прызнана вінаватай па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў сацыяльнай сетцы «Аднакласнікі» у дачыненні да кіраўніцтва Дубровенскага РАУС.
Барыс быў прызнаны вінаватым у чэрвені 2021 года па крымінальнай справе, узбуджанай па артыкуле аб абразе Лукашэнкі. Па версіі абвінавачання, 14 студзеня 2021 года ён са свайго тэлефона патэлефанаваў у міліцыю па нумары 102 і сказаў: «Лукашэнка прыдурак. Вось і ўсё».
Віталь быў прызнаны вінаватым па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў сацыяльнай сетцы «Аднакласнікі» у дачыненні да інспектара ДПС АДАІ Светлагорскага РАУС маёра міліцыі Баграёнка А. В. Па версіі абвінавачання, каментар утрымліваў негатыўную ацэнку «пацярпелага».