Зміцер быў асуджаны ў жніўні 2021 года за каментар у сацыяльнай сетцы «Аднакласнікі» пад фатаграфіяй начальніка ўпраўлення аховы правапарадку Бабруйскага гарвыканкама Сяргея Рудзько, які, паводле заключэння лінгвістычнай экспертызы, насіў абразлівы характар і змяшчаў ненарматыўную лексіку.
Асуджаны за пагрозу гвалтам у каментарах Мікалаю Карпенкаву.
24.05.2023 стала вядома, што Саліма будуць судзіць паўторна па 364 артыкуле КК РБ.
У жніўні 2024 года вызвалены, поўнасцю адбыўшы тэрмін пакарання, прызначаны судом.
Павел быў прызнаны вінаватым па крымінальнай справе, узбуджанай па артыкуле «абраза прадстаўніка ўлады», і прыгавораны да абмежавання волі без накіравання ў папраўчую ўстанову адкрытага тыпу.
Павел быў затрыманы ў кастрычніку 2020 года па крымінальнай справе, узбуджанай па артыкулах «хуліганства» і «гвалт або пагроза прымянення гвалту ў дачыненні да супрацоўніка міліцыі», і змешчаны пад варту ў СІЗА да суда. Падчас следства артыкул аб ужыванні гвалту ў дачыненні да супрацоўніка міліцыі знялі, паколькі абвінавачанне не знайшло свайго пацверджання.
У снежні 2020 года Паўла асудзілі за ўдар нагой па бамперы аўтамабіля ДАІ падчас нядзельнага маршу «Народная інаўгурацыя», які праходзіў 27 верасня 2020 года ў Мінску. Таксама вядома, што падчас утрымання пад вартай Паўла паспелі асудзіць па адміністрацыйным артыкуле за ўдзел у акцыі і аштрафаваць на 30 базавых велічыняў. У пастанове было пазначана: «у суд не з'явіўся».
Вызвалены ў зале суда пасля абвяшчэння прысуду.
Марына была прызнана вінаватай у снежні 2020 года па крымінальнай справе, узбуджанай па артыкуле "гвалт або пагроза прымянення гвалту ў дачыненні да супрацоўніка органаў унутраных спраў". Справа тычылася падзей вечара 9 жніўня 2020 года. Тады фармацэўта Марыну затрымалі і жорстка збілі дзве супрацоўніцы АМАПа — Дар'я Бандарчук і Марыя Мазуркевіч. Аднак крымінальную справу распачалі менавіта на Марыну. Калі Марыну фізічна душылі, яна чыста інстынктыўна ўкусіла за руку адну з супрацоўніц міліцыі.
- Аб'яднанні
- Людзі з інваліднасцю
- Аб'яднанні
- Людзі з інваліднасцю
Юрый быў прызнаны вінаватым у снежні 2020 года па крымінальнай справе за размяшчэнне ў сацыяльнай сетцы «УКантакце» малюнкаў, якія, паводле версіі абвінавачання, «змяшчалі негатыўную ацэнку Лукашэнкі».
- Аб'яднанні
- Прадпрымальнікі
- Аб'яднанні
- Прадпрымальнікі
Святаслаў быў прызнаны вінаватым у снежні 2020 года па крымінальнай справе, узбуджанай па артыкуле «супраціў супрацоўніку міліцыі ці іншай асобе, якая ахоўвае грамадскі парадак». Яго абвінавацілі ў тым, што 17 верасня 2020 года ў Менску падчас ланцуга салідарнасці ён аказаў супраціў пры затрыманні, калі паспрабаваў далучыцца да ўдзельнікаў акцыі з расейскім сцягам, пасля чаго быў збіты супрацоўнікамі АМАПа. З чэрапна-мазгавой траўмай яго даставілі з Першамайскага РУУС у рэанімацыю, а затым у хірургічнае аддзяленне, дзе супрацоўнікі міліцыі ўзялі яго пад варту і на 72 гадзіны прыкавалі кайданкамі да бальнічнага ложка.
- Аб'яднанні
- Людзі з інваліднасцю
- Пенсіянеры
- Аб'яднанні
- Людзі з інваліднасцю
- Пенсіянеры
Уладзімір быў асуджаны ў снежні 2020 года па крымінальнай справе, узбуджанай па артыкуле "гвалт або пагроза прымянення гвалту ў дачыненні да супрацоўніка органаў унутраных спраў". Мужчыну абвінавацілі ў тым, што 21 жніўня 2020 года на плошчы Незалежнасці каля помніка Леніну ў Мінску ён "заклікаў да гвалтоўных дзеянняў супраць супрацоўнікаў міліцыі і АМАПа з дапамогай гукаўзмацняльнай апаратуры". Падчас затрымання ва Уладзіміра здарыўся інфаркт, пасля чаго яму была ўсталявана трэцяя група інваліднасці.
Улетку 2023 года ва Уладзіміра скончыўся тэрмін пакарання, прызначаны судом.
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Зміцер быў асуджаны за канфлікт з супрацоўнікамі ДАІ падчас жорсткага разгону акцыі пратэсту, якая праходзіла ў Гродне 13 жніўня 2020 года.
Максім быў прызнаны вінаватым у лістападзе 2020 года па крымінальнай справе, узбуджанай па артыкуле «гвалт або пагроза прымянення гвалту ў дачыненні да супрацоўніка органаў унутраных справаў», за тое, што заступіўся за дзяўчыну з бел-чырвона-белым сцягам, якую сілавікі збівалі падчас разгону мірнай акцыі пратэсту, якая прайшла 9 жніўня 2020 года ў Слоніме.
- Аб'яднанні
- Затрыманыя да 18 гадоў
- Аб'яднанні
- Затрыманыя да 18 гадоў
Юрый быў прызнаны вінаватым у лістападзе 2020 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за ўдзел у паслявыбарчай акцыі пратэсту, якая прайшла 11 жніўня 2020 года ў Мазыры, падчас якой ён кінуў камяні ў бок міліцэйскай машыны. На момант правядзення акцыі пратэсту, затрымання і разгляду крымінальнай справы ў судзе Юрый з'яўляўся непаўналетнім.
- Аб'яднанні
- Затрыманыя да 18 гадоў
- Аб'яднанні
- Затрыманыя да 18 гадоў
Сяргей быў прызнаны вінаватым у лістападзе 2020 года па крымінальнай справе, узбуджанай па артыкуле «арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх», за ўдзел у паслявыбарчай акцыі пратэсту, якая прайшла 11 жніўня 2020 года ў Мазыры, падчас якой ён кінуў камяні ў бок міліцэйскай машыны. На момант правядзення акцыі пратэсту, затрымання і разгляду крымінальнай справы ў судзе Сяргей быў непаўналетнім.
- Аб'яднанні
- Пенсіянеры
- Аб'яднанні
- Пенсіянеры
Сяргей быў прызнаны вінаватым у кастрычніку 2020 года па крымінальнай справе, узбуджанай па артыкуле «супраціў супрацоўніку міліцыі ці іншай асобе, якая ахоўвае грамадскі парадак». Пенсіянера абвінавацілі ў пагрозе супрацоўнікам АМАПа нажом, калі тыя ўзломвалі дзверы ў яго кватэру пасля таго, як ён патэлефанаваў у міліцыю і папрасіў прыцягнуць Лукашэнку да адказнасці за абразу Віктара Бабарыкі. Сяргею за гэта стрэлілі ў грудзі з помпавай стрэльбы.
- Аб'яднанні
- Людзі з інваліднасцю
- Пенсіянеры
- Аб'яднанні
- Людзі з інваліднасцю
- Пенсіянеры
Яўген, пенсіянер, які мае трэцюю групу інваліднасці і двойчы перанёс інсульт, быў прызнаны вінаватым у жніўні 2021 года па крымінальнай справе, узбуджанай па артыкуле за абразу Лукашэнкі. Падставай для ўзбуджэння крымінальнай справы стаў званок па нумары 102, падчас якога, са слоў супрацоўніцы МУС Аўсіенкі, Яўген «меў намер абразіць Лукашэнку і хацеў прадставіць яго ва ўніжальным становішчы ў вачах шырокай грамадскасці».
- Аб'яднанні
- Бацькі непаўнагадовых
- Аб'яднанні
- Бацькі непаўнагадовых
Сяргей быў прызнаны вінаватым у жніўні 2021 года па крымінальнай справе, узбуджанай па артыкулах «гвалт альбо пагроза прымянення гвалту ў дачыненні да супрацоўніка органаў унутраных справаў» і «абраза суддзі» за каментары, пакінутыя ў Telegram-канале «Карнікі Беларусі» ў дачыненні да супрацоўніка ГУБАЗіК Аляксандра Алёксы і суддзі Ленінскага раёна Марыны Клімчук.
У верасні 2024 года ў рамках спецыяльнай вытворчасці адбылося завочнае судовае пасяджэнне аб замене абмежавання волі з накіраваннем у папраўчую ўстанову адкрытага тыпу.