Першы раз Уладзіміра Талкача затрымалі 26 верасня 2023 года і прыгаварылі да 10 сутак адміністрацыйнага арышту. Тады ў ягоным тэлефоне выявілі нацыянальную сімволіку і свастыку, якія ён змясціў яшчэ ў 2021 годзе.
Увесну падчас ператрусу ў пенсіянера быў канфіскаваны кампутар, дзе знайшлі вершы Уладзіміра. Эксперты прыйшлі да высновы, што некаторыя радкі могуць змяшчаць абразу Аляксандра Лукашэнкі.
Падчас судовага паседжання Талкачу стала дрэнна, выклікалі “хуткую”, якая адвезла яго ў шпіталь. Але праз некалькі гадзін суд аднавіўся.
Фёдар — зорка "Што? Дзе? Калі?" — быў асуджаны за тое, што, паводле версіі абвінавачання, са снежня 2020 года па сакавік 2021 года, выкарыстоўваючы аформлены на сваё імя разліковы рахунак і плацежную картку ў ААТ "Сбер Банк", а таксама мабільны тэлефон, ажыццявіў перавод грашовых сродкаў на банкаўскія рахункі прадстаўнікоў "экстрэмісцкіх фарміраванняў". Яго прыгаварылі да абмежавання волі з накіраваннем і вызвалілі з-пад варты пасля абвяшчэння прысуду да ўступлення яго ў законную сілу.
Вырак суда 19.04.2024
3 гады 6 месяцаў абмежаванні волі з накіраваннем ва ўстанову адкрытага тыпу.
Дыяна, якая працуе майстрам педыкюру, у кастрычніку і лістападзе 2020 года пакідала каментары пад фота і відэа з Лукашэнкам у некалькіх Telegram-чатах і каналах, якія суд палічыў абразлівымі.
Акрамя таго, Дыяна каментавала публікацыі пра экс-кіраўніка ГУБАЗіК Мікалая Карп'янкова, старшыню Савета Рэспублікі Наталлі Качанавай, экс-міністра замежных спраў Уладзіміра Макея і старшыню КДБ Івана Церцеля.
Усяго ў пастанове суда 21 эпізод. Дыяна Арлова прызнала сваю віну.
Сяргей — прадпрымальнік. З 2022 года неаднаразова прыцягваўся да адміністрацыйнай адказнасці па артыкуле "распаўсюджванне экстрэмісцкіх матэрыялаў" за перасылку ў Telegram навін з канала NEXTA і лайк супольнасці "STOP LUKA" у сацсетцы "Аднакласнікі".
Пасля выбараў, якія прайшлі ў Беларусі ў жніўні 2020 года, Сяргей размясціў у тэлеграм-канале "Чыгуначнікі Беларусі" (пасля прызнаным экстрэмісцкім) заклік спыняць цягнікі на чыгунцы з мэтай дэстабілізацыі эканамічнай сітуацыі ў краіне. У сувязі з гэтым ён быў затрыманы, а ў красавіку 2024 года асуджаны і прыгавораны да пазбаўлення волі.
Восенню 2025 года ён быў вызвалены, цалкам адбыўшы назначаны судом тэрмін пакарання.
Вырак суда 11.04.2024
2 гады 6 месяцаў пазбаўлення волі ў калоніі ва ўмовах агульнага рэжыму.
Па версіі абвінавачання , Мікіта Дабравольскі на праспекце Незалежнасці ў Мінску "блакаваў і заступаў шлях транспартным сродкам, у выніку чаго яго дзеянні пацягнулі парушэнне працы транспарту, чым ён прычыніў "Мінсктрансу" матэрыяльны ўрон на суму 22 500 рублёў 66 капеек".
На працэсе Мікіта прызнаў віну і пацвердзіў, што сапраўды прымаў удзел у акцыі пратэсту і рухаўся па праезнай частцы. Доказамі па справе сталі фота з тэлефона мужчыны, а таксама паліто бэжавага колеру, у якім ён быў на шэсці і зафіксаваны на фота.
Да суда мужчына ўтрымліваўся пад закладам у памеры 8000 рублёў.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
