Жыхарка Рагачова была затрымана 19 студзеня 2022 года па крымінальнай справе, узбуджанай пасля акцый пратэсту ў Жлобіне ў жніўні 2020 года. У жанчыны дома правялі ператрус, адвезлі ў СК Жлобіна на допыт, пасля ў ІЧУ, а потым у СІЗА.
15.05.2023 вызвалена цалкам адбыўшы тэрмін пакарання, прызначаны судом.
1,5 гады пазбаўлення волі ў калоніі агульнага рэжыму.
Аксана была прызнана вінаватай у лістападзе 2021 года па крымінальнай справе, узбуджанай па артыкулах аб абразе прадстаўніка ўлады і Лукашэнкі. Суд прыгаварыў яе да абмежавання волі з накіраваннем у папраўчую ўстанову адкрытага тыпу.
У 2022 годзе від пакарання быў узмоцнены, і Аксану перавялі ў папраўчую калонію.
Па падліках праваабаронцаў, яна была вызвалена вясной 2023 года, цалкам адбыўшы прызначаны судом тэрмін пакарання.
Наталля была прызнана вінаватай у лістападзе 2021 года па крымінальнай справе, узбуджанай па артыкуле аб абразе прадстаўніка ўлады, за каментар, размешчаны ў сацыяльнай сетцы «Аднакласнікі» у дачыненні да старэйшага ўчастковага інспектара міліцыі УУС Бабруйска, капітана міліцыі Андрэя Комара.
- Аб'яднанні
- Пенсіянеры
- Аб'яднанні
- Пенсіянеры
Наталля была прызнана вінаватай у кастрычніку 2021 года па крымінальнай справе, узбуджанай па артыкуле аб абразе прадстаўніка ўлады.
Паводле абвінавачання, 13 чэрвеня 2021 года ў сацыяльнай сетцы «Аднакласнікі» пад публікацыяй у суполцы «Саша Белавусаў» з фатаграфіяй начальніка ІСН Аршанскага РАУС Дзмітрыя Вішнеўскага і надпісам «дапаможнік фашысцкага рэжыму» яна пакінула каментар: «Ну і рожа тоўстая».
Наталля ў судзе патлумачыла, што не лічыць свой каментар абразлівым, паколькі ў Дастаеўскага ёсць літаратурны выраз «лісненая тоўстая рожа».
Таццяна была прызнана вінаватай у верасні 2021 года па крымінальнай справе аб абразе прадстаўніка ўлады за каментары да публікацыі ў Telegram-канале "Карнікі Беларусі" аб начальніку інспекцыі па справах непаўналетніх Барысаўскага РУУС Наталлі Ярмолінскай.
2 верасня 2021 года Юлія была прызнана вінаватай у абразе супрацоўніка міліцыі з Гродна. Паводле матэрыялаў справы, у траўні 2020 года яна пакінула ў «Аднакласніках» пост, у якім назвала аднаго з гарадзенскіх сілавікоў «уе..ам». На момант публікацыі Юлія знаходзілася ў Санкт-Пецярбургу.
У сакавіку 2023 года адбылося судовае паседжанне па пытанні аб замене абмежавання волі без накіравання ў папраўчую ўстанову адкрытага тыпу. Вынікі паседжання, як і факт прысутнасці на ім Юліі, невядомыя.
Марына была прызнана вінаватай у снежні 2020 года па крымінальнай справе, узбуджанай па артыкуле "гвалт або пагроза прымянення гвалту ў дачыненні да супрацоўніка органаў унутраных спраў". Справа тычылася падзей вечара 9 жніўня 2020 года. Тады фармацэўта Марыну затрымалі і жорстка збілі дзве супрацоўніцы АМАПа — Дар'я Бандарчук і Марыя Мазуркевіч. Аднак крымінальную справу распачалі менавіта на Марыну. Калі Марыну фізічна душылі, яна чыста інстынктыўна ўкусіла за руку адну з супрацоўніц міліцыі.
Вікторыю прызналі вінаватай па артыкуле «здзек над дзяржаўнымі сімваламі». Па версіі следства, яна змяніла выяву Дзяржаўнага герба і выкарыстоўвала яго як лагатып сваіх Telegram- і YouTube-каналаў, а таксама ў апублікаваных відэа, што, на думку следства, з'яўлялася «праявай кплівага стаўлення і спробай прыцягнуць увагу да свайго канала».
Марына была прызнана вінаватай у чэрвені 2021 года па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў сацыяльнай сетцы «Аднакласнікі» у адрас оперупаўнаважанага Драгічынскага РАУС Юрыя Чарнышкова. Каментар быў пакінуты пад публікацыяй, у якой было напісана, што Чарнышкоў 10 жніўня 2020 года на плошчы ў Драгічыне збіваў рукамі і нагамі дзяўчыну, а затым "перадаў" яе АМАПу.
Наталля была прызнана вінаватай па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў сацыяльнай сетцы «Аднакласнікі» у дачыненні да кіраўніцтва Дубровенскага РАУС.
Паводле абвінавачання, у ноч з 9 на 10 лютага 2021 года Таццяна перашкаджала законнай дзейнасці супрацоўнікаў міліцыі, а менавіта правядзенню ператрусу ў яе доме. Па версіі супрацоўнікаў міліцыі, падчас затрымання Таццяна ўкусіла за палец аднаго з іх, пракусіла пальчатку іншаму і нанесла ўдар нагой у вобласць галавы трэцяму супрацоўніку. Акрамя таго, яны сцвярджалі, што жанчына называла іх "бандытамі", "фашыстамі" і "карнікамі".
У траўні 2021 года Таццяна была прызнана вінаватай па крымінальнай справе, узбуджанай па артыкуле "гвалт або пагроза прымянення насілля ў дачыненні да супрацоўніка органаў унутраных спраў", і прыгаворана да абмежавання волі з накіраваннем у папраўчую ўстанову адкрытага тыпу.
Пакінула Беларусь да пачатку адбыцця пакарання.
У студзені 2025 года ў рамках спецыяльнай вытворчасці адбылося завочнае судовае паседжанне па пытанні замены абмежавання волі на пазбаўленне волі з адбываннем пакарання ў папраўчай калоніі.
Кацярына была прызнана вінаватай у студзені 2021 года па крымінальнай справе, узбуджанай па артыкуле аб абразе прадстаўніка ўлады, за рэпост фатаграфіі і асабістай інфармацыі, а таксама за размяшчэнне каментарыя да гэтай публікацыі ў Telegram-канале «Слонім для жыцця» пра міліцыянера АМАП ГУУС Мінгарвыканкама, старшага сяржанта міліцыі Сяргея Асколкава. Паводле матэрыялаў следства, пад рэпостам дзяўчына размясціла паведамленне «з тэкстам абразлівага зместу, які прыніжаў гонар і годнасць Асколкава».
Людміла была прызнана вінаватай па крымінальнай справе, узбуджанай па артыкуле аб абразе прадстаўніка ўлады, за каментар, пакінуты ў Telegram-канале «Пружаны/Пружана» пад фатаграфіяй супрацоўніка міліцыі, участковага ў г.п. Ружаны Дзмітрыя Казарэнкі, са словам «скот». Па версіі абвінавачання, гэтым яна прычыніла яму «маральныя пакуты, якія выявіліся ў асабістых перажываннях і перажываннях яго блізкіх, пачуцці горычы і крыўды».
Увосень 2021 года Вольга была асуджаная на 10 сутак адміністрацыйнага арышту за рэпост з «экстрэмісцкага» канала. У яе таксама знайшлі выяву Лукашэнкі і беларускіх чыноўнікаў у нацысцкай форме, што стала падставай для ўзбуджэння крымінальнай справы. Па версіі следства, гэтую выяву Вольга размясціла ў закрытым чаце больш за год таму.
У студзені 2022 года яе прызналі вінаватай і прыгаварылі да пазбаўлення волі з адбываннем пакарання ў папраўчай калоніі. Вольгу ўзялі пад варту ў залі суда.
Вызвалена ў чэрвені 2023 года, цалкам адбыўшы прызначаны судом тэрмін пакарання.
Вікторыя тройчы была прызнана вінаватай па крымінальнай справе, узбуджанай па артыкуле "абраза прадстаўніка ўлады".
Першы раз яе асудзілі ў сакавіку 2021 года за каментар пад публікацыяй аб супрацоўніках міліцыі УУС адміністрацыі Савецкага раёна г. Мінска Васілі Маўчане і Ігары Качуку, які суд расцаніў як прыніжаючы іх годнасць.
Пазней яе зноў асудзілі за каментар у Telegram на адрас старшага оперупаўнаважанага аддзела крымінальнага вышуку Вадзіма Якімчыка. Па сукупнасці двух эпізодаў Вікторыі прызначылі абмежаванне волі без накіравання ў папраўчую ўстанову адкрытага тыпу.
У снежні 2021 года яе зноў асудзілі па трэцім эпізодзе. Падрабязнасці справы невядомыя. Вядома толькі, што дзяржаўнае абвінавачванне запытвала пакаранне ў выглядзе абмежавання волі з накіраваннем у папраўчую ўстанову адкрытага тыпу, а на той момант Вікторыі заставалася адбыць пакаранне ў выглядзе "хатняй хіміі" каля паўгода.
Пакінула Беларусь.