Крысціна была асуджана ў рамках крымінальнай справы, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і IT-спецыяліста Андрэя Зельцэра.
Паводле матэрыялаў абвінавачання, 29 верасня 2021 года, даведаўшыся пра гібель Андрэя Зельцэра і супрацоўніка КДБ Дзмітрыя Федасюка, Крысціна пакінула ў адным з чатаў у мэсэнджэры Telegram каментар: «мая хата ўжо не мая крэпасць» і «нідзе нельга схавацца ад гэтых стварэнняў». Гэтыя выказванні следства расцаніла як абразу прадстаўніка ўлады, што было пацверджана заключэннем лінгвістычнай экспертызы ў судзе.
Вырак суда 28.07.2022
2 гады абмежаванні волі без накіравання, 50 базавых велічынь штрафу.
Алісе ставяць у віну адно тэлеграм-паведамленне, напісанае ўвечары 28 лютага 2022 года (на 4-ы дзень поўнамаштабнай вайны Расіі супраць Украіны).
Каментарый быў напісаны ў тэлеграм-чаце «Беларускі Гаюн Chat» (чат, звязаны з каналам "Беларускі Гаюн", у якім адсочвалася перамяшчэнне расійскіх войскаў па тэрыторыі Беларусі). У тэксце ўтрымліваецца слова «пацукі», і дзяржабвінавачанне трактуе гэта як тое, што адносіцца да Лукашэнкі. Акрамя таго, на судзе пракурор указваў, што дадзенае слова з'яўляецца ненарматыўным.
Па падліках праваабаронцаў была вызвалена 18.08.2023 цалкам адбыўшы тэрмін пакарання, прызначаны судом.
Наталлю абвінавацілі ў тым , што яна зрабіла рэпост на сваёй старонцы публікацыі з асабістымі дадзенымі супрацоўніка органаў унутраных спраў. Таксама жанчына апублікавала фатаграфію сілавіка з уласным каментаром аб учыненых ім злачынствах. Суд вырашыў, што інфармацыя ў каментары "свядома ілжывая" і дыскрэдытуе супрацоўніка ў вачах грамадства.
Па падліках праваабаронцаў вызвалена цалкам адбыўшы тэрмін пакарання, прызначаны судом.
Вырак суда 03.11.2022
1 год пазбаўлення волі ў калоніі ва ўмовах агульнага рэжыму, 50 базавых велічынь штрафу.
Да затрымання працавала ў Мінску вядучым спецыялістам па закупках у камерцыйнай фірме, часова пражывала ў сталіцы.
Паводле матэрыялаў абвінавачання, Зорына прыняла ўдзел у адной з акцый пратэсту ў 2020 годзе ў Мінску, разам з іншымі мітынгоўцамі выходзіла на праезную частку праспекта Незалежнасці, публічна выкрыквала лозунгі, здзяйсняла гучныя воплескі і размахванні рукамі і г.д.
У судзе высветлілася, што Наталля Зорына не з самага пачатку далучылася да пратэстоўцаў, не мела з сабой пратэстнай сімволікі. Адвакат настойваў на тым, што Натальля выпадкова патрапіла на акцыю. Аднак, насуперак довадам абаронцы, Зорына ў судовым паседжанні прызнала віну па ўсім аб'ёме прад'яўленага ёй абвінавачання.
Вартаўнік — гэта значыць, ты хочаш рэгулярна дапамагаць канкрэтнаму чалавеку ў зняволенні праз яго сям'ю. Выберы палітвязня і націсні «Стаць Вартаўніком», наша каманда звяжацца з вамі ў бліжэйшы час.
Вы можаце запытаць лісты, якія знаходзяцца ў нас на захоўванні, для гэтага пакіньце свой тэлеграм акаўнт для зваротнай сувязі, мы звяжамся з вамі і пасля верыфікацыі асобы перадамо архіў з вашымі лістамі.
Вы з'яўляецеся сваяком ці блізкім палітвязня? Дашліце нам кароткі опіс і ваш кантакт у Telegram для зваротнай сувязі. Пасля верыфікацыі дадзеных мы апублікуем вашага блізкага на сайце.
У вас ёсць інфармацыя аб адміністрацыйным пераследзе? Калі ласка, дашліце нам кароткае апісанне і ваш кантакт у Telegram для зваротнай сувязі. Пасля праверкі даных мы апублікуем вашу інфармацыю на сайце.
